ÂTHAONA 18:14 - Mara Bible RV (BSI)

¹⁴ Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta.

ÂTHAONA 18:14 ပူးပေါင်းရင်းမြစ်များ

ÂTHAONA 17:16

Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.

ÂTHAONA 17:21

Ei biehrai deikua cha, Sârâ ta hâhkô, he daihti liata a cha sapa awpa Aisika hnohta ei pa-i aw,” tah ta.

ÂTHAONA 18:10

Abeipa ta, “Hâhkô tahmâ ti heta na hnohta a vy heih thlyu aw na ta, na lapinô Sârâ ta sawchapaw a sa aw,” tah ta. Cha bie cha a hnôh lâta poh o chhikao tawhta Sârâ ta vaw thei ta.

ÂTHAONA 18:13

Abeipa ta Abarahâ hnohta, “Khazia Sârâ ta pahneih ta, ‘Machâ ha na ta, saw ei sa hmeiseih thei rai aw mâ’ a tah?

ÂTHAONA 18:15

Sârâ cha a chipa vâta, “Pahneih va na” tahpa ta a phih ta. Ano ta “Châ vei, na pahneih tlaipa kha,” tah ta.

ÂTHAONA 21:1

A vaw rei hapa hawhta, Abeipa ta Sârâ cha za tly ta. Abeipa ta a bietai hawhta Sârâ chô liata tao ta.

ÂTHAONA 21:2

Sârâ cha saw phaoh ta, Khazohpa ta bie â taihna daihti lia tlai ta, Abarahâ a pawpi tawhta sawchapawpa sapa ta.

2 ABEIZY 4:16

Elaisâh ta, “Hâhkô tahmâ daihti liana heta sawcha­paw nâ pyh aw,” tah ta. Chanô ta, “Châ vei, ei zibeipa, Hy Khazohpa chyhsa y, châ chakaotuhnô he dôvei khah y,” tah ta.

ZAWBÂ 36:5

“Pachâ tua, Khazohpa cha thatlôpa châ ta, Châhrasala ahy hmah mohnao leipa ta, Palôh thatlôpa nata a ipa a châ.

ZAWBÂ 42:2

“Ato na tao thei tahpa ei pahno, Nâ chhuah hapa cha khâpa hmah pakhâ theipa châ vei.

HLAZY 90:13

Hy Abeipa, vaw kua mah y! Khachâ ma na hie a hâh aw tly? Châ chakaotuhpazy chô liata thapasana hnei mah y!

HLAZY 93:1

Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 32:27

“Pachâ teh, kei Abeipa he hmohrohneipa zydua Khazohpa ei châ. Ei châta hmo a ru tupa a y ma?

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

ZEKARIA 8:6

Pheisaihzy Abeipa ta hetana heta a tah: Kha daihti nota, he phopi laibâhpa châta hmotheileipa a lyupa kha, keima châta cha hmotheileipa a châ hlei rai ma? Pheisaihzy Abeipa ta a tah.

MALUHREINA 11:23

Abeipa ta Mawsi hnohta, “Abeipa cha a ku a chyuta ma? Ei bie hawhta na chô liata a vaw tlô nata tlô lei na pahno aw,” tah ta.

MATHAI 14:31

Zisu ta a ku thlai kei pazawh ta, Pity cha patu ta, a hnohta, “Hy nâ, ngiapâ chyhpa, khazia nâ lôh vei?” tah ta.

MATHAI 19:26

Zisu ta âmo cha moh ta, ama hnohta, “Cha hmo cha chyhsapa châta la, tao thei rimâ awpa châ vei. Khazohpa châta deikua cha, ato tao theipa a châ,” tah ta.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

MÂKA 10:27

Zisu ta âmo cha moh ta, ama hnohta, “Cha cha chyhsapa châta la tao thei rimâ awpa châ leipa ta, Khazohpa châta deikua cha, tao thei leipa hmo châ vei. Khazohpa châta cha, ato tao theipa a châ,” tah ta.

LUKA 1:13

Châhrasala vâlyuhchâpa ta a hnohta, “Zekaria, chi khah y, na thlahchhâna kha theipa a châ haw. Na lapinô Elizabe ta sawchapawpa sa aw ta, a moh Zawhâna na bi aw.

LUKA 1:18

Zekaria ta vâlyuhchâpa hnohta, “Cha cha kheihta ei pahno thei aw? Pawpipa châ na ta, ei lapinô chhao machâ ha ta,” tah ta.

LUKA 1:37

Khazohpa châta tao thei leipa hmo y vei,” tah ta.

LUKA 8:50

Cha bie cha Zisu ta a thei nahta, “Chi leipa la, a ngiapâ thlâh ha mah y, a tlâh aw,” tah ta.

RAWMA 4:21

Khazohpa cha a bietai hawhta a tao thei tahpa khâchâ a ngiapâ ta.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

PHILIPI 4:13

Tha nâ patlôtuhpa Krista liata ato ei tao thei.

HEBRAI 11:19

Khazohpa cha athihpa chhao a pathyu thei tahpa a ngiapâ ta, Aisika cha a hmô pakhua haw. A hlâ hapa vâta Aisika cha a thi hapa hawhta pachâpa a châ.

RYUREITUHPAZY 13:3

Abeipa vâlyuhchâpa cha chanô hnohta a vaw luah ta, a hnohta, “Moh teh, choh ha chi ta, saw rai phaoh thei va chi, châhrasala saw phaoh aw chi ta, sawchapaw na sa aw.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.