ÂTHAONA 18:11 - Mara Bible RV (BSI)

¹¹ Abarahâ nata Sârâ cha machâpa kô uhthei ngaitapa châ ha ei ta. Sârâ cha a chanô yzie tyhpa chhao chhâ ha ta.

ÂTHAONA 18:11 ပူးပေါင်းရင်းမြစ်များ

ÂTHAONA 17:17

Abarahâ cha â khu lâta paopa ta pahneih ta, anosasyh ta, “Kô za khapa chyhsa heta ma saw a hnei aw? Sârâ cha kô sychaki ta ma saw a sa aw?” tah ta.

ÂTHAONA 17:24

Abarahâ cha a sapa liata chopaw â tai nota kô sychaki nata kô chakipa châ ta,

ÂTHAONA 21:7

Sârâ ta hawsaih â pyh aw tahpa ta ahy ma Abarahâ hnohta a reih beih aw tly? Châhrasala a pawpi tawhta sawchapaw ei sapa haw,” tah ta.

ÂTHAONA 24:1

Abarahâ cha vaw machâ ta, pawpi kaw bâ ta. Abeipa ta Abarahâ cha kyh to liata byhnâ pie ta.

ÂTHAONA 24:36

Ei zibeipa lapinô Sârâ ta a nôpi tawhta ei zibeipa châta sawchapaw sapa ta, ano hnohna chata a hneipa zydua a pie khai haw.

ÂTHAONA 31:35

Râkheli ta a paw hnohta, “Na hmiakô liata ei thyu thei leipa vâna heta, ei beipa, na hiehâh khah sy. Chanô châna ei hnei daihti a châpa vâta na a châ,” tah ta. Tlua lymâ ta, châhrasala khazoh nothlahpazy cha hmô leipa ta.

THEIHTHAINA 15:19

“Chanô ta a chanô châna tawhta a puapa hnei sala, a puapa cha thi a châ khiahta cha, chanô hnopasupa vâta noh sari chhôh pathaih leipa châ aw ta, ahy rai ano a hriapa cha zâlâ taih pathaih leipa a châ aw.

LUKA 1:18

Zekaria ta vâlyuhchâpa hnohta, “Cha cha kheihta ei pahno thei aw? Pawpipa châ na ta, ei lapinô chhao machâ ha ta,” tah ta.

LUKA 1:36

Pachâ teh, na chiheih chanô a choh hapa Elizabe chhao khata, a nôpi tawhta saw phaoh ta, tahmâ he a thla charuna a châ haw.

LUKA 1:7

Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.

HEBRAI 11:19

Khazohpa cha athihpa chhao a pathyu thei tahpa a ngiapâ ta, Aisika cha a hmô pakhua haw. A hlâ hapa vâta Aisika cha a thi hapa hawhta pachâpa a châ.

ZAWSUA 13:1

Zawsua cha vaw machâ ta, pawpi kaw bâ ta. Abeipa ta a hnohta, “Machâ ha chi ta, pawpi kaw bâ chi ta, râh hra cha la awpa hluh chy tlôh ta.