ÂTHAONA 17:8 - Mara Bible RV (BSI)

⁸ Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 17:8 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 13:17

Râh he ei cha pie awpa vâta, thyu la, a doh lâ nata a hâ lâ chahry khai mah y,” tah ta.

ÂTHAONA 23:4

“Kei he nama hry liata khichhaipa nata chihropa châ na ta, ei lapinô ri he hmô khao lei awpa ta ei pabu thei nawpa ta, râh na pie teh u,” tah ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 35:27

Zakaw cha Kiriathâbâ kiapâh Mamre khih liata a ypa a paw Aisika kô kei tlô ta. Cha khih cha Hebraw tahpa châ hra ta, Abarahâ nata Aisika zy pahrâna khih a châ.

ÂTHAONA 36:7

Ama hmo hneipazy hluh ngaita ta, pahrâna râh ta ama pano sahrohzy tlaih nawpa ta â daih leipa vâta, hmaohkha ta a y khoh thei awpa châ khao leipa ei ta.

ÂTHAONA 37:1

Zakaw cha a paw khichhai châna râh, Kâna râh liata pahrâ ta.

ÂTHAONA 48:4

ei hnohta, ‘Pachâ teh, chi hluhpi cha pathlasa aw na ta, ei cha papôh aw. Phopi hluhpi ta cha tao aw na ta, na hnôhlâ ta na pathla hnohta, he râh he chhâzaw ryuto châta ei pie aw,’ na tah ta.

2 SAMUELA 23:5

“Ei pathlazy he Khazohpa hmiakô liata paduapa châ veih ei ma? Khazohpa ta chhâzaw biehrai ei hnohta hraih ta, Ato yzie pahneisapa ta a pa-i. Chavâta ei pachhana kih patlô leipa ta ypa ta, Ei khopa na pie leipa ta a y aw ma?

1 THÂTIHZYRONA 16:18

“Kâna râh cha pie aw na ta, Cha cha na ryuto râh a châ aw,” a tah.

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 105:11

“Kâna râh cha pie aw na ta, Cha cha na ryuto râh a châ aw,” a tah.

HLAZY 105:9

Cha tlai cha Abarahâ hnohta a biehrai kha châ ta, Aisika hnohta a bietai châ hra ta;

PUASAINA 13:11

“Abeipa ta nâmo nata châ pathlatuhpazy bie a châ taihpa hawh ei ta, Kâna mo râh cha tlôkheipa ta, cha râh cha a cha pie ti ei ta,

PUASAINA 21:6

a zibeipa ta Khazohpa lâ â chhi aw. Ochhi liata tlyma, ochhi tôh liata tlyma paduasapa ta, a zibeipa ta thua pazaopa ta a nakao vieh aw ta, chatanachata a zibeipa cha chhâzaw ta a chakao aw.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

PUASAINA 40:15

Theihthaipa rai hriapa ta eina chakao thei nawpa ei ta, ama paw sathaw na thupa hawhta âmo chhao sathaw na thu hra aw. Sathawthupa ama châpa cha, ama chhâ zydua ta theihthaipa ama châ lymâ nawpa châta a châ aw,” tah ta.

PUASAINA 6:4

Khichhaipa châpa ta ama vaw pahrâna Kâna râh cha âmo pie awpa ta ama hnohta bie hraih na ta.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 31:1

“Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

EZEKIA 33:24

“Chyhsa sawchapawpa y, Izarei râh su rypazy liata a ypazy ta, ‘Abarahâ kha ano pakha dei châ ta, chatanachôta râh hnei thei ta, keimo cha a hluhpi châ pi ta, râh cha eima ryuto châta piepa eima châ haw,’ tah ei ta.

THEIHTHAINA 14:34

“Nama ryuto châta Kâna râh ei cha piepa ei namâ ngia tita, nama ryuto râh liata kheihawhpa o lia rai ta phawhpa hri ei soh khiahta cha,

THEIHTHAINA 16:34

Izarei sawzy moleina zydua vâta ama châta kô kha ta ei kha chatlaina tao tyh awpa cha, nama châta chhâzaw bieraopa a châ aw,” tah ta. Chatanachata Abeipa ta Mawsi bie a piepa hawhta Arawna ta tao ta.

THEIHTHAINA 26:12

Nama hry liata y aw na ta, nama Khazohpa châ aw na ta, ei phopi nama châ aw.

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”

MALUHREINA 10:29

Mawsi puhpa Midia chyhsa Rue sawchapawpa Hôbâ hnohta Mawsi ta, “Abeipa ta, ‘Ei cha pie aw ei,’ a tahpa su lâ eima pangai hai. Abeipa ta Izarei sawzy châta hmo phapa bie a taih ha ta, chavâta eima hnohta vaw sie hra teh, a pha ngaitapa ta na chô liata eima tao aw,” tah ta.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

MALUHREINA 27:12

Abeipa ta Mawsi hnohta, “Abari tlâh lâ khi khy la, Izarei sawzy ei piepa râh cha kaw sai mah y.

HMOTAOPAZY 7:5

Châhrasala Khazohpa ta Abarahâ cha, he râh liata ryuto râh phei tlyna khi chhao pie leipa ta, saw a hnei lei tarawpa ta, a hnôhlâ ta a vaw pazi awpa a chipathla hnohta râh pie awpa ta bie a taih ta.

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 29:13

Châ pathlatuhpa Abarahâ, Aisika nata Zakaw zy hnohta bie â taihpa nata nâmo hnohta chhao a reipa hawhta, tanoh he a phopi ta cha padua ei ta, ano cha nama Khazohpa a châ haw.

RYHPACHANEINA 32:49

“Môabâ râh liata Zerikô dady ta Abari tlâhthlôh liata Nebô Tlâh lâ khy la, hnei awpa ta Izarei sawzy hnohta ei piepa Kâna râh cha kaw sai mah y.

RYHPACHANEINA 32:8

Chônôchaipa ta phopizy ama ryuto râh pie ta, Âdâh pathlazy a pachhaih nona khata, Khazohpa sawchapawzy maluh hawhta, Phopizy châta râhri a pakhâh.

RYHPACHANEINA 34:4

Abeipa ta a hnohta, “He râh he, Abarahâ, Aisika nata Zakaw hnohta, ‘Na pathlazy ei pie aw ei,’ tahpa ta bie ei taihpa râh kha a châ. Na mo ta cha pahmôsa na ta, châhrasala a ngia aw va chi,” tah ta.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

ZAWSUA 1:2

“Nâ chakaotuhpa Mawsi thi ha ta, chavâta tahmâ thyu la, nâ nata zawpi zydua ta Zawdâh chaka u la, Izarei phopi ei piepa râh lâ sie teh u.

BIEPHUAH 21:7

Pahnietuhpa cha he ryu he a to aw. A Khazohpa châ aw na ta, ei saw a châ aw.