ÂTHAONA 17:16 - Mara Bible RV (BSI)

¹⁶ Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.

ÂTHAONA 17:16 ပူးပေါင်းရင်းမြစ်များ

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 15:4

Abeipa bie a hnohta vaw tlô heih ta, “He chyhsa heta na ryu to aw vei. Na chhôh tawhta a puapa tlai ta na ryu cha a to aw,” tah ta.

ÂTHAONA 17:15

Khazohpa ta Abarahâ hnohta, “Na lapinô Sârai cha Sârai tah khao leipa aw chi ta, a moh Sârâ a châ ha aw.

ÂTHAONA 17:19

Khazohpa ta, “Châ bao va, na lapinô Sârâ ta sawchapaw cha sapa aw ta, a moh Aisika na bi aw. Ano hnohta ei biehrai pa-i aw na ta, cha cha ano hnôhlâ ta a pathlazy châta chhâzaw biehrai a châ aw.

ÂTHAONA 17:6

Na chipathla thata papôhsa aw na ta, nâma tawhta phopizy pua aw ei ta, beizy ama pua aw.

ÂTHAONA 21:1

A vaw rei hapa hawhta, Abeipa ta Sârâ cha za tly ta. Abeipa ta a bietai hawhta Sârâ chô liata tao ta.

ÂTHAONA 24:60

Rebekâ cha byhnâ awpa ei ta, a hnohta, “Eima sietanô y, Thysâh hluhpi nô vaw châ la; Na pathlazy ta âmo a haotuhpazy Thokhy chhikao hnei mawh ei sy!” tah ei ta.

ÂTHAONA 25:23

Abeipa ta a hnohta, “Na chhi chhôh liata râh miano y ta, Na py chhôh tawhta phopi miano a vaw pua aw; Phopi miakha cha ahropa hlâta a thatlô via aw ta, A uhthei viapa ta a seihnai viapa a chakao aw,” tah ta.

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 36:31

Hezy he, Izarei râh liata ryureituhpa bei ama y hlâta, Edômâ râh liata ryureituhpa beizy ama châ.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

RAWMA 9:9

“Tahmâ daihti hawhpa liana heta vaw tlô heih aw na ta, Sârâ ta sawchapaw a sa aw,” tahpa ta bietai piepa a châ.

KALATIA 4:23

Seichanô chô liata sawchapaw cha, sapa ryhpa hawhta pih ta, khotalaipa chanô chô liata sawchapaw deikua cha, bietai vâta a pihpa a châ.

1 PITY 3:6

Sârâ chhao khata Abarahâ cha ei zibeipa tahpa ta aw ta, a rei â ngiahpa kha. Hmo pha nama tao khiahta cha, khâpa hmah chi leipa aw ei chi ta, chatanachata Sârâ sawzy nama châ aw.