ÂTHAONA 17:14 - Mara Bible RV (BSI)

¹⁴ Chopawtaileipa chapaw, a sapa liata chopawtaipa ta a y leipa cha, ei biehrai a paraopa vâta, a chiheih hry tawhta pahleipadiapa a châ aw,” tah ta.

ÂTHAONA 17:14 ပူးပေါင်းရင်းမြစ်များ

ÂTHAONA 17:15

Khazohpa ta Abarahâ hnohta, “Na lapinô Sârai cha Sârai tah khao leipa aw chi ta, a moh Sârâ a châ ha aw.

ÂTHAONA 34:14

Ama hnohta, “Paryhsa thei ma pi. Chopawtaileipa chyhsa lâ eima sietanô soh thei ma pi. Cha hawhta taopa cha keimo châta nohzaona a châ aw.

HLAZY 55:20

Ei kaolâhpa ta a viasazy a dyuh ta, A biehrai a parao haw.

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:19

Noh sari chhôh nama o chhôh liata thinô rai a y awpa châ vei. Ahy rai thinô pahlaopa a niepa chyhsa cha, chihropa chhao, a râh chyhsa chhao, Izarei zawpi tawhta chhawh pathlahpa a châ aw.

PUASAINA 30:33

He sathaw taozie hawhta sathaw hropa a taopa nata theihthaipa a châ leipa chô liata a hmâhpa cha, a phopi tawhta chhawh pathlahpa a châ aw,’ tah mah y,” tah ta.

PUASAINA 30:38

Ahy rai ano châta ropahâh chakhyhpa hawhta a hmâhpa cha, a phopi tawhta chhawh pathlahpa a châ aw,” tah ta.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 33:8

Lâlaizy pathaih parohpa ta y ta, Khitlyhpa y khao veih ei. Biehrai parao ei ta, Khihpizy khâpasaw ta reih leipa ei ta, Chyhsa hrona chhao pachâ khao veih ei.

ZEREMIAH 11:10

Ei bie a nathlie khoh leipa, âmo pathlatuhpazy moleina lâ kua heih ei ta, khazoh hropazy pazi ei ta ama chakao. Izarei pathlazy nata Zudâh pathlazy ta âmo pathlatuhpazy hnohta biehrai ei taopa ama parao haw.

ZEREMIAH 31:32

“Âmo pathlatuhpazy ama ku patupa ta Izi râh tawhta ei chhi papua noh ta ama hnohta ei hraipa biehrai hawhpa, ama vahpa ei châpa chhao ta, ama paraopa ei biehrai hawhpa kha châ aw vei,” Abeipa ta a tah.

EZEKIA 44:7

Chihropa, pathipalôh nata sapa chopawtaileipazy ei supathaihpa liata pangiasapa ta, ei nie awpa thaw nata thisaih eina hlâpa lia ei chi ta, ei Achhyna o nama papuapalei. Pasichhihpa hmo zydua nama taopa thota, ei biehrai nama parao pâ heih.

THEIHTHAINA 18:29

Cha hmo pasichhihpa kheihawhpa rai a taopazy cha ama phopi tawhta chhawh pathlahpa ama châ aw.

THEIHTHAINA 19:8

A niepa cha Abeipa hmo pathaihpa a papuapaleipa vâta, a hmo paraona maoh phaoh aw ta, cha chyhsa cha a phopi tawhta chhawh pathlahpa a châ aw.

THEIHTHAINA 23:29

Cha noh liata a paky leipa cha, a phopi tawhta chhawh pathlahpa a châ aw.

THEIHTHAINA 7:25

Ahy rai Abeipa lâta mei ta hmohlâpa sa thaw a niepa cha, a phopi tawhta chhawh pathlahpa a châ aw.

THEIHTHAINA 7:27

Ahy rai thisaih a niepa cha, a phopi tawhta chhawh pathlahpa a châ aw,” tah ta.

MALUHREINA 9:13

Chyhsa pathaihpa châ ta, khitlyna hnei tlôh leipa ta, zawpakhô kyhchhi a chay leipa khiahta deikua cha, cha chyhsa cha a phopi tawhta chhawh pathlahpa a châ aw. Daihti raopa liata Abeipa lâta hmohlâpa a hlâ leipa vâta, cha chyhsa cha a moleina maoh a phaoh aw.

1 KAWRINI 11:27

Chavâta ahy rai a nie tlâh châ leipa ta viahchhâ a niepa tlyma, Abeipa nyu a dohpa tlyma cha, Abeipa pôhpa nata thisaih chô liata a moleipa vâta thailei a châ aw.

1 KAWRINI 11:29

Abeipa pôhpa a châpa pahno leipa ta, a niepa nata a dohpa maih cha, ano thaileichâ nawpa ta a niepa nata a dohpa a châ.