ÂTHAONA 17:12 - Mara Bible RV (BSI)

¹² Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ.

ÂTHAONA 17:12 ပူးပေါင်းရင်းမြစ်များ

ÂTHAONA 17:23

Chatanachata Abarahâ ta a sawchapawpa Ismela nata a o liata a pihpa sei zydua nata tâkâ sôh ta a chaleipa zydua, Abarahâ o liata chapaw maih a chhi ta, Khazohpa ta a hnohta a reipa hawhta, cha noh lia tlai ta ama chopaw vo cha taipa khai ta.

ÂTHAONA 21:4

Khazohpa ta bie a piepa hawhta, Abarahâ ta a sawchapawpa Aisika cha noh charie a châ nahta, a chopaw taipa ta.

PUASAINA 12:44

Tâkâ ta chaleipa sei deikua cha, a chopaw na tai khai tawhta a nie thei aw.

PUASAINA 22:30

Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

THEIHTHAINA 12:3

A noh chariena noh ta, hawtipa cha a chopaw vo tai awpa a châ.

LUKA 1:59

A noh chariena noh ta hawsaih chopawtai awpa ta a vy ei ta, a paw moh zipa ta a moh Zekaria bi a chhuah ei ta.

LUKA 2:21

Noh charie vaw tloh ta, hawsaih cha chopawtaipa a châ khai nahta, a moh Zisu bi ei ta. Cha moh cha chhi liata nawh â choh hlâta, vâlyuhchâpa ta moh a vaw bi chhielie hapa kha a châ.

HMOTAOPAZY 7:8

Khazohpa ta Abarahâ cha chopawtaina biehrai pie ta. Abarahâ cha Aisika sa ta, a noh chariena noh ta a chopaw tai ta, Aisika ta Zakaw sa ta, Zakaw ta pathlatuhpa pahrawh hleinozy kha sa ta.

RAWMA 2:28

Chôpho dei ta Zu a châpa cha Zu hmeiseihpa châ leipa ta, chôpho ta sapa dei chopawtaipa chhao chopawtai hmeiseihpa châ vei.

PHILIPI 3:5

Noh chariena noh ta chopawtaipa, Izarei phopi pathla, Benzami chi, Hebraizy hry liata Hebrai pachaipa ei châ. Ryhpa kyh liata Phârisaih châ na ta,