ÂTHAONA 16:6 - Mara Bible RV (BSI)

⁶ Abarâ ta Sârai hnohta, “Nathlie teh, na seichanô cha na ku liata a y. Pha na tahnazie hawhta a chô liata tao mah y,” tah ta. Sârai ta Hâkarâ cha a rie thata pathei ta. Chavâta Hâkarâ ta Sârai cha â râsai haw.

ÂTHAONA 16:6 ပူးပေါင်းရင်းမြစ်များ

ÂTHAONA 16:9

Abeipa vâlyuhchâpa ta, “Na zibeinô Sârai lâ kua la, ano rei sai ta kei y mah y,” tah ta.

ÂTHAONA 24:10

Chakaotuhpa cha a zibeipa râraoseihpa pô hrawh a chhipa ta a thao ta. A zibeipa hmo phapa chi to phaoh ta, thyu ta Mesôpôtamia râh liata Nâhaw khih lâ sie ta.

ZAWBÂ 2:6

Abeipa ta Sâtâ hnohta, “Moh teh, ano cha na ku liata a y. A hrona deikua na pahlôh awpa a châ,” tah ta.

PUASAINA 2:15

Phiraoh ta cha thâtih cha a pahno nahta, Mawsi cha thie a chhuah ta. Châhrasala Mawsi cha Phiraoh hmiakô tawhta a râ ta, Midia râh liata kei y ta. Noh kha cha tikhaoh kiapâh liata a tyuh ta.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 15:1

Achhyna naipa ta pathiiana padia ta, Reih chahrâhpa deikua ta hiehâhna a pathyu tyh.

BIESOZY 27:8

A o a viavisaipa chyhsa cha, A bu a zaw saipa pavaw hawhta a châ.

BIESOZY 29:19

Chakaotuhpa cha bie dei ta chhorei awpa châ vei, A novâh hra sala tao hlei aw vei.

BIECHHOTUHPA 10:4

Ryureituhpa ta na chô liata a hie a hâh khiahta cha, Na yna su puasai khah y; Hiehâhna a pai tita cha, Taopasina lai ngaitapa chhao a ngiahthaipa a châ tyh.

ZEREMIAH 38:5

Bei Zedekia ta, “Moh teh u, Zeremiah cha nama ku liata a y. Nâmo chakhiapa ta cha abei heta tao theipa hnei va,” tah ta.

ZAWSUA 9:25

Moh teh, tahmâ na ku liata eima y hih. A phapa nata â dopa ta na pahnopa hawhta eima chô liata tao mah y,” tah ei ta.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.