ÂTHAONA 16:14 - Mara Bible RV (BSI)

¹⁴ Chavâta tikhaoh cha Belahairô tahpa a châ. Kâdesâ nata Bere khih likawh liata a y.

ÂTHAONA 16:14 ပူးပေါင်းရင်းမြစ်များ

ÂTHAONA 14:7

Chatawhcha kua ei ta, Emipâ tlô ei ta, Amale râh zydua nata Hâzazôtamâ liata a pahrâpa Amawri mo zydua chhao ama pahnie khai haw. Emipâ cha Kâdesâ a châ.

ÂTHAONA 16:15

Hâkarâ ta Abarâ cha sawchapaw sapa ta, Abarâ ta Hâkarâ chô liata a sapa a sawchapawpa moh cha Ismela a bi.

ÂTHAONA 21:19

Khazohpa ta Hâkarâ cha a mo pavâsa ta, tikhaoreipa hmô ta. Vawh ta, savo titheih cha ti ta pabie ta, hawtipa cha padosa ta.

ÂTHAONA 21:31

Cha su liata ama pano ta bie amâ taih raihriepa vâta, cha su cha Besebâ bipa a châ.

ÂTHAONA 24:62

Aisika cha Neke râh liata a pahrâpa a châpa vâta Belahairô lâ tawhta vaw tlô ta.

ÂTHAONA 25:11

Abarahâ a thi tawhta, Khazohpa ta a sawchapawpa Aisika cha byhnâ pie ta. Aisika cha Belahairô kiapâh liata pahrâ ta.

MALUHREINA 13:26

Pârâ râhchawhpa Kâdesâ liata Mawsi nata Arawna nata Izarei zawpi zydua yna vaw tlô ei ta. Mawsi nata Arawna nata zawpi zydua hnohta bie vaw phaoh ei ta, a râh theilâpazy chhao pahmô ei ta.