ÂTHAONA 15:9 - Mara Bible RV (BSI)

⁹ Abeipa ta a hnohta, “Viahchao zeinô kô thôhpa pô kha, mie chanôpa kô thôhpa pô kha, mietaku chapawpa kô thôhpa pô kha nata vachhuh pô kha nata pivaw taw pô kha na vaw pie teh,” tah ta.

ÂTHAONA 15:9 ပူးပေါင်းရင်းမြစ်များ

ÂTHAONA 15:10

Cha zydua cha Abeipa lâta cheih ta, Abarâ ta â khophie liata su no ta patlaw chyu ta, a tlaw hiakha cha a tlaw hiakha lâ dady lymâ ta soh ta. Pavawzy deikua cha patlaw vei.

ÂTHAONA 15:8

Abarâ ta, “Hy Abeipa Zehôvâh, he râh he ei hnei aw tahpa kheihta ei pahno thei aw?” tah ta.

ÂTHAONA 22:13

Abarahâ cha kaw ua ta, mohmia pasaih ta, mietaku tôhpa pô kha chhohbuh liata a ki a taw hapa a hnôhky liata vaw y thlâh ha ta. Abarahâ cha vawh ta, mietaku tôhpa cha patu ta, a sawchapawpa vyuhpa ta raopa hlâna ta hlâ ta.

HLAZY 50:5

“Atheihna ta ei hnohta biehrai a taopa, Ei mopathaihpa zy kha, Kei lâta awpakhy teh u,” Abeipa ta a tah.

HLAZY HLA 2:12

Alei liata pawpizy a vaw lâ ei ta, Pavaw to sâ daihti vaw tlô ta, Vachhuh tutarunô ao zy chhao eima thei haw.

ISAI 15:5

Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 1:14

“Abeipa lâta raopa hlâna ta a hlâ awpa cha pavaw hry tawhta a châ khiahta cha, vachhuh tlyma, pivaw taw tlyma a hlâ awpa a châ.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 12:6

“Sawchapaw vâta tlyma, sawchanô vâta tlyma, â pathaina noh â ki nahta, raopa hlâna châta mietakutaw kô khapa nata moleina hlâna châta pivaw taw tlyma vachhuh tlyma, ahmaohna poh o chhikao liata theihthaipa lâta a cheih awpa a châ.

THEIHTHAINA 12:8

Mietakutaw a hnei thei leipa khiahta cha, vachhuh pô no tlyma, pivaw taw pô no tlyma cheih aw ta, pô kha cha raopa hlâna châta châ aw ta, ahropa cha moleina hlâna châta a châ aw. Theihthaipa ta chatlaina taopa aw ta, chatanachata a pathaih aw,” tah ta.

THEIHTHAINA 14:22

vachhuh pô no tlyma, pivawtaw pô no tlyma, a hnei viapa thithaw cheih hra aw ta, pô kha cha moleina hlâna châta châ aw ta, ahropa cha raopa hlâna châta a châ aw.

THEIHTHAINA 14:30

Vachhuhzy tlyma, pivawtawzy tlyma, a hneipa thithaw theihthaipa ta hlâ aw ta,

THEIHTHAINA 3:1

“Chyhsa hmohlâpa cha aryhna hlâna châta atheihna châ sala, viahchao hri tawhta a hlâ khiahta cha, a chapawpa tlyma, a chanôpa tlyma hlâ thei ta, Abeipa hmiakô liata seina hnei leipa a hlâ awpa a châ.

THEIHTHAINA 3:6

Chyhsa ta aryhna hlâna atheihna châta Abeipa lâta a hlâpa cha, mietaku zaw tawhta a châ khiahta cha, a chapawpa tlyma, a chanôpa tlyma hlâ thei ta, seina hnei leipa a hlâ awpa a châ.

THEIHTHAINA 9:2

Arawna hnohta, “Moleina hlâna châta viahchao tôh dawpa nata raopa hlâna châta mietaku tôhpa, seina hnei leipa raihrie a chhi la, Abeipa hmiakô liata hlâ mah y.

THEIHTHAINA 9:4

Abeipa hmiakô liata aryhna hlâna atheihna châta viahchao tôhpa nata mietaku tôhpa cheih hra u la, sathaw pahlaopa niepa hlâna chhao cheih u la, Abeipa lâ hlâ teh u. Tanoh he nama hnohta Abeipa â vaw luah aw,’ tah mah y,” tah ta.

LUKA 2:24

Abeipa ryhpa bie ta, atheihna hlâna châta “Vachhuh bao kha tlyma, pivaw taw pô no tlyma,” hlâ awpa a tahpa hawhta ama taopa a châ.