ÂTHAONA 15:7 - Mara Bible RV (BSI)

⁷ Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 15:7 ပူးပေါင်းရင်းမြစ်များ

ÂTHAONA 12:1

Abeipa ta Abarâ hnohta, “Na râh tawhta nata na chiheihzy tawhta nata na paw o tawhta pua la, râh ei cha pahmô awpa lâ sie mah y.

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

HLAZY 105:11

“Kâna râh cha pie aw na ta, Cha cha na ryuto râh a châ aw,” a tah.

HLAZY 105:42

A chakaotuhpa Abarahâ hnohta a bietai pathaihpa kha, Khâ a thei thlâh ha ta.

HLAZY 105:44

Phopi hropa râhzy cha âmo pie ta, Phopizy hria chiehpa ryu ta a patosa ei.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

MALUHREINA 33:53

Râh cha hnei aw ei chi ta, cha liata nama pahrâ aw. Cha râh cha hnei awpa ta ei cha piepa ei a châ.

RAWMA 4:13

Ano cha khizaw ryu a to awpa a châna kyh, Abarahâ nata a pathlazy hnohta a vaw tlôpa bietai kha, ryhpa vâta a vaw tlôpa châ leipa ta, ngiapâna ta siana vâta a vaw tlôpa tlao a châ.

RYHPACHANEINA 3:18

“Cha daihti liata bie cha pie ei na ta, nama hnohta, ‘Abeipa nama Khazohpa ta he râh he nama hnei awpa ta a cha pie ei. Nama pasaipha zydua chariah chhaichhi a tobipa ta nama unawhpa Izarei sawzy hmia lâta chavah ama chaka aw.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.