ÂTHAONA 15:5 - Mara Bible RV (BSI)

⁵ Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 15:5 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 16:10

Abeipa vâlyuhchâpa lilaw ta a hnohta, “Na pathlazy thata papôhsa aw na ta, Ama hluhzie reih tiahpa châ aw vei,” tah ta.

ÂTHAONA 17:2

Chatanachata keima nata nâma likah liata ei biehrai tao aw na ta, maluh thata ei cha papôhsa aw,” tah ta.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 32:13

Cha zâ cha, cha liata a rie ta. A uhta Esaw kuhria pie awpa ta, a hneipa hry tawhta,

1 ABEIZY 3:8

Châ chakaotuhpa he nâ ta nâ tlyhpa na phopi, phopi rônahpa, zasâh manôh reih tiah leipa nata paki tiah leipazy hry liata ei y.

1 THÂTIHZYRONA 27:23

Abeipa ta Izarei sawzy cha avâ awhsi zie ta pôh awpa ta bie â vaw taih hapa vâta, kô kih ry lâ cha Dâvi ta ama maluh reih vei.

NEHEMIAH 9:23

Ama pathlazy cha avâ awhsi zie ta papôh chi ta, a ngia ta hnei awpa ta ama pathlatuhpazy hnohta na chhopa râh lâ nâ chhi ei.

ZAWBÂ 35:5

Ua la, avâzy lâ khi sai tua, Nâ hlâta a sâh viapa meihdozy khi moh tua.

HLAZY 147:4

Awhsi ziepa pahno ta, Ama moh a bi khai ei.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

RAWMA 4:18

“Cha hawhna chata na pathlazy ama y aw,” tahpa ta chhopa a châpa hawhta, phopi hluhpi paw châ awpa ta, hnabeiseih â chhih leipa chhao ta, ngiapâna ta khâchâ hnabeiseih lymâ ta.

RYHPACHANEINA 1:10

Abeipa nama Khazohpa ta cha papôh ei ta, moh teh u, tahmâ cha vâ awhsi zie tlai ta nama vaw pôh haw.

RYHPACHANEINA 10:22

Châ pathlatuhpazy kha Izi râh lâ sysari ta zu ei ta, tahmâ cha Abeipa nama Khazohpa ta vâ awhsi zie ta hluhpa ta a cha tao ha ei.

HEBRAI 11:12

Chatanachata chapaw pakha, athipa hawhta pachâpa tawhta, avâ liata awhsi zie ta a hluhpa nata tilaipi ngiahkâ liata sadi rei tiah lei zie ta a hluhpa chipathlazy ama vaw pua haw.

ZAWSUA 24:3

Nâmo châ pathlatuhpa Abarahâ kha Chavah khô lâ tawhta a vaw chhi na ta, Kâna râh chhôh zydua ei chhihtha. A chipathla papôh na ta, Aisika kha ei pie.