ÂTHAONA 15:18 - Mara Bible RV (BSI)

¹⁸ Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

ÂTHAONA 15:18 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 2:14

Chavah miathôhna cha Tikari châ ta, Asuria râh nochhi lâta a lohpa a châ. Chavah miapalihna cha Ufrâti a châ.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 35:12

Abarahâ nata Aisika hnohta râh ei piepa kha, Nâ cha pie na ta; Na pathla a vaw y lymâ awpazy hnohta chhao, Râh cha ei pie aw ei,” tah ta.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

2 SAMUELA 23:5

“Ei pathlazy he Khazohpa hmiakô liata paduapa châ veih ei ma? Khazohpa ta chhâzaw biehrai ei hnohta hraih ta, Ato yzie pahneisapa ta a pa-i. Chavâta ei pachhana kih patlô leipa ta ypa ta, Ei khopa na pie leipa ta a y aw ma?

2 SAMUELA 8:3

Dâvi cha Ufrâti chavah liata a biehneina padua awpa ta a siena liata, Rehô sawchapawpa Zôbâ bei Hadâdeze chhao pahnie ta.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

1 ABEIZY 5:1

Sawlawmaw cha a paw su a thla awpa ta sathaw ama thu haw tahpa Tyre bei Hirâ ta a thei nahta, a chakaotuhpazy Sawlawmaw lâ tuah ta. Hirâ he Dâvi a pasô kawpa a châ.

1 THÂTIHZYRONA 16:16

Cha tlai cha Abarahâ hnohta a biehrai kha châ ta, Aisika hnohta a bietai châ hra ta,

1 THÂTIHZYRONA 5:9

Kilia râh liata ama sahroh thata a pôhpa vâta, nochhi lâta râhchawhpa angiana tawhta Ufrâti chavah notla baih lâ taihta ama pahrâ.

2 THÂTIHZYRONA 7:8

Cha daihti liata Sawlawmaw ta kyhchhi noh sari tao ta. Lebôhamâ tawhta Izi Chavah taihta Izarei saw zydua a ki khaipa ta, zawpi hluh ngaitapa tlôpakhy ei ta.

2 THÂTIHZYRONA 8:7

Izarei saw a châ leipa, Hiti mo, Amawri mo, Perizi mo, Zebu mo,

2 THÂTIHZYRONA 9:26

Ufrâti chavah tawhta Philistinâ nata Izi râhri taihta abei zydua chô liata a bei ta.

EZRÂ 4:20

Bei thatlôpazy ta Zerusale chô liata ryu vaw reih ei ta. Âmo chata Chavah Haosâ râh zydua chô liata ryureih ei ta, cha beizy lâta râhpawzy, leimâzy, chhiezy ama vaw pie tyh.

NEHEMIAH 9:8

Na hmiakô liata a palôh ngâchhihpa ta hmô chi ta, chatanachata Kâna mo, Hiti mo, Amawri mo, Perizi mo, Zebu mo nata Kikâsi mozy râh cha a pathlazy pie awpa ta, a hnohta biehrai na tao. Nâ cha asiapa châ chi ta, na bietai a patlôpa na châ.

HLAZY 105:11

“Kâna râh cha pie aw na ta, Cha cha na ryuto râh a châ aw,” a tah.

PUASAINA 13:11

“Abeipa ta nâmo nata châ pathlatuhpazy bie a châ taihpa hawh ei ta, Kâna mo râh cha tlôkheipa ta, cha râh cha a cha pie ti ei ta,

PUASAINA 2:24

Khazohpa ta amâ hrôpa pyu cha thei ta, Abarahâ, Aisika nata Zakaw zy hnohta a biehrai kha Khazohpa ta a thei thlâh ha ta.

PUASAINA 23:23

“Ei vâlyuhchâpa na hmia lâta sie aw ta, Amawri mo, Hiti mo, Perizi mo, Kâna mo, Hivi mo nata Zebu mozy yna lâ châ chhi aw ta, âmo cha ei pahleipadia aw ei.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

PUASAINA 34:11

“Tanoh ta bie ei cha piepa he zyh mah y. Amawri mo, Kâna mo, Hiti mo, Perizi mo, Hivi mo nata Zebu mozy cha na mohmô liata ei papua aw ei.

PUASAINA 34:24

Phopizy na hmiakô tawhta papua aw na ta, na râhrizy ei pakawh awpa vâta, kô kha ta ei thôh Abeipa na Khazohpa hmiakô liata a lâ awpa ta nâ khy chhôh ta, na râh cha ahy hmahta uahva thei aw veih ei.

PUASAINA 6:4

Khichhaipa châpa ta ama vaw pahrâna Kâna râh cha âmo pie awpa ta ama hnohta bie hraih na ta.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

ISAI 27:12

Cha noh liata, Ufrâti Chavah tawhta Izi Chavah taihta, Abeipa ta sâh chakhyh aw ta, Hy Izarei sawzy saih u, pakha pakha ta pakhypa nama châ aw.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 32:22

he sâhpiti nata kheihti lona râh, âmo pathlatuhpazy hnohta pie awpa ta bie nâ vaw taihpa râh he na pie ei.

ZEREMIAH 32:40

Ama hnohta tlyzaw biehrai tao aw na ta, ama chô liata hmo pha taopa a heihsai khao aw va na. Ama palôh liata keima china soh aw na ta, nâ heihsai khao aw veih ei.

THEIHTHAINA 26:42

Zakaw nata Aisika nata Abarahâ zy hnohta ei biehraizy kha a thei aw na ta, râh cha ei thei thlâh ha aw.

THEIHTHAINA 26:45

Ama Khazohpa châ awpa ta, phopizy mohmô ta Izi râh tawhta ei chhi papuapa ama pathlatuhpazy hnohta ei biehrai kha, âmo vâna heta ei thei thlâh ha aw. Kei he Abeipa ei châ,” tah ta.

MALUHREINA 34:5

Râhri cha Azmaw tawhta Izi Chavah lâ pako aw ta, tilaipi liata a chhâ aw.

HMOTAOPAZY 7:5

Châhrasala Khazohpa ta Abarahâ cha, he râh liata ryuto râh phei tlyna khi chhao pie leipa ta, saw a hnei lei tarawpa ta, a hnôhlâ ta a vaw pazi awpa a chipathla hnohta râh pie awpa ta bie a taih ta.

RYHPACHANEINA 11:24

Nama phei pazah ta a tlypa maih cha nama eih a châ aw. Râhchawhpa tawhta Lebanaw taihta, Ufrâti chavah tawhta notla lâ tilaipi taihta nama râh a châ aw.

RYHPACHANEINA 12:20

“Nama hnohta a bietai hawhta, Abeipa nama Khazohpa ta nama râh a pakawh tita, nama aoh liata sa a chhaoh sala, “Sa eima nie aw,” nama tah khiahta cha, nama khona daihti maihta sa nama nie thei aw.

RYHPACHANEINA 19:8

Abeipa nama Khazohpa ta châ pathlatuhpazy hnohta bie â vaw taihpa hawhta, nama râhrizy pakawhpa ta, châ pathlatuhpazy hnohta pie awpa ta bie â vaw taihpa râh zydua a cha pie aw ei.

RYHPACHANEINA 34:4

Abeipa ta a hnohta, “He râh he, Abarahâ, Aisika nata Zakaw hnohta, ‘Na pathlazy ei pie aw ei,’ tahpa ta bie ei taihpa râh kha a châ. Na mo ta cha pahmôsa na ta, châhrasala a ngia aw va chi,” tah ta.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

ZAWSUA 13:3

Izi râh kiapâh liata a ypa Sihaw tawhta maw lâta Ekaraw râhri taihta, Ekaraw cha Kâna râh hawhta pachâpa a châ; Philistinâ bei papangawh ryureina Kâza, Asadô, Askelaw, Kiti nata Ekaraw râhzy nata chho lâta Avimi râh;

ZAWSUA 15:4

Azmaw lâta sie ta, Izi chavah liata pua ta, tilaipi cha râhri chhâna a châ. Cha cha chho lâta nama râhri awpa a châ.

BIEPHUAH 9:14

Ao chata chiahmie a chabapa vâlyuhchâpa pacharuna hnohta, “Ufrâti chavah liata vâlyuhchâpa papalih chahrypazy kha pathlâ teh,” tah ta.