ÂTHAONA 15:14 - Mara Bible RV (BSI)

¹⁴ Châhrasala sei ta âmo a taotuhpa phopi cha pachia aw na ta, achhâna lâta sôh nata thih hluhpi chhaota ama pua aw.

ÂTHAONA 15:14 ပူးပေါင်းရင်းမြစ်များ

ÂTHAONA 48:21

Chatawhcha Izarei ta Zawsi hnohta, “Pachâ teh, kei cha thi daihmâ ha na ta, châhrasala Khazohpa nama hnohta y aw ta, châ pathlatuhpazy râh lâ a châ chhi heih aw ei.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

HLAZY 105:42

A chakaotuhpa Abarahâ hnohta a bietai pathaihpa kha, Khâ a thei thlâh ha ta.

HLAZY 135:14

Abeipa ta a phopi cha thai pachâsa aw ta, A chakaotuhpazy chô liata zawngiahna a hnei aw.

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

PUASAINA 12:29

Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 3:10

Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

HMOTAOPAZY 7:7

Châhrasala Khazohpa ta, ‘Sei châpa ta ama chakaopa phopi cha pachia aw na ta, cha khai tawhta kaw pua aw ei ta, he su liata eina chakao aw ei,’ tah ta.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 6:22

Abeipa ta ngiana nata hmonoâhpa rônahpa nata nôpochhih ngaitapazy Izi râh nata Phiraoh nata a chhôhkha zydua chô liata eima mohmô ta palâsa ta.

ZAWSUA 24:17

Abeipa eima Khazohpa, ano tlai cha keimo nata miah pathlatuhpazy Izi râh seichâna o tawhta miah a kaw chhi papua ta, eima mohmô liata ngiana rônah ngaitapazy taopa ta, eima siena maih nata phopi eima chatôhna zydua liata miah pabohsatuhpa a châ.

1 SAMUELA 12:8

Izi râh liata Zakaw â ngia hnôh lâna khata, châ pathlatuhpazy ta Abeipa awsao ei ta, Abeipa ta Mawsi nata Arawna tuah ta, âmo ta châ pathlatuhpazy cha Izi râh tawhta a chhi papua ei ta, he su liata ama vaw pahrâsa.