ÂTHAONA 15:13 - Mara Bible RV (BSI)

¹³ Abeipa ta Abarâ hnohta, “Na pathlazy cha maniah râh liata khichhai ta y aw ei ta, kô 400 chhôh riethei taopa ta sei ta ama y aw tahpa a siapa ta pahno mah y.

ÂTHAONA 15:13 ပူးပေါင်းရင်းမြစ်များ

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 47:4

Phiraoh cha chho via ei ta, “Kâna râh liata chakâh mozohpa vâta, châ chakaotuhpazy mietaku zawzy châta sibie hrohpa y khao leipa ta, chavâta he râh liata y chy awpa ta eimâ zu. Ngiachhiepa ta châ chakaotuhpazy he Kôse râh liata miah paysa mah y,” tah ei ta.

HLAZY 105:42

A chakaotuhpa Abarahâ hnohta a bietai pathaihpa kha, Khâ a thei thlâh ha ta.

PUASAINA 1:11

Chavâta ama phao thata pahri ta, ama rie pathei awpa ta, raihria hyutuhpazy âmo châta rao ei ta. Pithô nata Râmese khihpizy cha Phiraoh châta Sawvâ khihpi ta padua ei ta.

PUASAINA 1:13

Chatanachata Izi mo ta Izarei sawzy cha riethei ngaitapa ta rai ama pahriasa lymâ.

PUASAINA 1:14

Raihria ru ngaitapa, alô khaipa nata alei raopa raizy nata lyu liata rai to pahriasapa ta ama hro rie thata pathei ei ta, ama raihria zydua liata riethei ngaitapa ta ama pahriasa lymâ.

PUASAINA 2:24

Khazohpa ta amâ hrôpa pyu cha thei ta, Abarahâ, Aisika nata Zakaw zy hnohta a biehrai kha Khazohpa ta a thei thlâh ha ta.

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 23:9

“Mapaihpa na tlybai awpa châ vei. Nâmo chhao Izi râh liata mapaihpa châ ei chi ta, mapaihpa châpa palôh rietheizie nama pahno.

PUASAINA 3:10

Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

MALUHREINA 20:15

Miah pathlatuhpazy Izi râh lâ zu ei ta, Izi râh liata bohpi pahrâ pi ta, Izi mo ta keimo nata miah pathlatuhpazy miah ama taochhiezie kha na pahno.

HMOTAOPAZY 7:17

“Khazohpa ta Abarahâ hnohta bie â taihpa a vaw tlô nawpa daihti â hnia nahta, Izarei sawzy cha Izi râh liata thata pôh ei ta, hluh via lymâ ei ta.

KALATIA 3:17

Rei ei chhuahpa cha he he a châ: Biehrai taopa a châ tawhta kô 430 khô lâta a vaw ypa ryhpa heta, Khazohpa ta a vaw pa-i hapa biehrai kha parao leipa ta, bietai chhao aruapa pachâsa vei.

RYHPACHANEINA 10:19

Chavâta mapaihpazy kyh pachâ teh u, nâmo chhao Izi râh liata mapaihpazy nama châ hrapa kha.

RYHPACHANEINA 5:15

Nâ chhao Izi râh liata sei châ chi ta, cha tawhtapa cha Abeipa na Khazohpa ta ku thatlôpa nata bâh pazawhpa ta a châ chhi papua tahpa a thei thlâh ha mah y. Chavâta Abeipa na Khazohpa ta Pahânoh chay awpa ta bie a cha pie.