ÂTHAONA 14:7 - Mara Bible RV (BSI)

⁷ Chatawhcha kua ei ta, Emipâ tlô ei ta, Amale râh zydua nata Hâzazôtamâ liata a pahrâpa Amawri mo zydua chhao ama pahnie khai haw. Emipâ cha Kâdesâ a châ.

ÂTHAONA 14:7 ပူးပေါင်းရင်းမြစ်များ

ÂTHAONA 16:14

Chavâta tikhaoh cha Belahairô tahpa a châ. Kâdesâ nata Bere khih likawh liata a y.

ÂTHAONA 20:1

Cha tawhna chata Abarahâ cha Neke râh lâ sie ta, Kâdesâ nata Surâ likawh liata pahrâ ta. Kerâ khih liata bohpi leipa y hra ta.

ÂTHAONA 36:12

Timnâ cha Esaw sawchapawpa Eliphâ nôtho châ ta, ano ta Eliphâ châta Amale sapa ta. Chazy cha Esaw lapinô Aidâ pathlazy ama châ.

ÂTHAONA 36:16

Bei Kôrâ, Bei Kâtâ nata Bei Amale zy vaw pua ei ta, chazy cha Edômâ râh liata Eliphâ pathla tawhta a puapa beizy ama châ. Âmo cha Aidâ pathlazy ama châ.

2 THÂTIHZYRONA 20:2

Ahyzy tlyma a vy ei ta, cha kyh cha Zehôsaphâ chho ei ta, a hnohta, “Châ dyuh awpa ta pheisaih hluh ngaitapa tilaipi haosâ Aramia tawhta vaw pua ei ta, pachâ teh, Hâzazôtamâ liata ama y,” tah ei ta. Hâzazôtamâ cha Enkedi a châ.

EZEKIA 47:10

Nga patutuhpazy tilaipi kiah liata a duah aw ei ta, Enkedi tawhta Enekalai taihta sao paraina su a châ aw. A ngazy cha, Tilaipi Laipa ngazy hawh tlai ta, nga chi nanopa hluhpi ama y aw.

EZEKIA 48:28

“Chho lâta Kâdâ râhri cha, Tâmâri tawhta chho lâta sie lymâpa ta, Meribâ Kâdesâ tizy taihta sie aw ta, Izi chavah saopa ta Tilaipi Laipa a tlô aw.

MALUHREINA 13:26

Pârâ râhchawhpa Kâdesâ liata Mawsi nata Arawna nata Izarei zawpi zydua yna vaw tlô ei ta. Mawsi nata Arawna nata zawpi zydua hnohta bie vaw phaoh ei ta, a râh theilâpazy chhao pahmô ei ta.

MALUHREINA 14:43

Nama hmia liata Amale mo nata Kâna mozy y ei ta, zaozi ta nama pao aw; Abeipa nama tleisai hapa vâta, nama hnohta Abeipa y khao aw vei,” tah ta.

MALUHREINA 14:45

Chatanachata tlâh râh liata a pahrâpa Amale mo nata Kâna mozy cha a zu ei ta, âmo cha thie ei ta, Hômâ tlâh taihta a chadai ei ta.

MALUHREINA 20:1

Izarei sawzy cha, thla khana liata ama zydua ta Zini râhchawhpa tlô ei ta. Zawpizy cha Kâdesâ liata y ei ta. Cha liata Miria thi ta, cha liata ama pabu.

MALUHREINA 24:20

Chatawhcha Amale lâ a heih ta, a bie daopa thaoh ta, “Amale cha phopi hmiatuapa châ ta, A chhâna deikua tlokhuh leidiana a châ,” tah ta.

RYHPACHANEINA 1:19

“Abeipa ta bie miah a piepa hawhta, Hôribâ tlâh tawhta pua pi ta, Amawri tlâh râh lâpi, râhchawhpa kawh ngaitapa nata chichhih ngaitapa nama hmôpa zydua kha siepahlie khaipa ta, Kâdesbânia khih tlô pi ta.

RYHPACHANEINA 1:46

Chavâta Kâdesâ liata noh hluhpi châh ei chi ta, noh hluhpi tlai cha liata nama ypa kha a châ.

ZAWSUA 15:62

Nibâsâ, Alôh Khihpi nata Enkedi khihpi zy châ ei ta, khihpi miacharu y ta, khichapeihzy ama hnei.