ÂTHAONA 14:23 - Mara Bible RV (BSI)

²³ chavâta nâma eih cha lari sâkhata dâhdei chhao, pheiky ri sâkhata dâhdei chhao la aw va na. Chataleipatala ‘Abarâ cha keima ta ei pahneirôhsapa ma a châ,’ na tah pathlei aw.

ÂTHAONA 14:23 ပူးပေါင်းရင်းမြစ်များ

1 ABEIZY 13:8

Khazohpa chyhsa ta abei hnohta, “Na o khophie rai nâ pie awpa châ la, na hnohta a vy aw va na. He su liana heta viahchhâ nie leipa aw na ta, ti chhao doh aw va na.

2 ABEIZY 5:16

Châhrasala Elaisâh ta, “Ei chakao tyhpa Abeipa hrona reipa ta ei reih, khâpa hmah la aw va na,” tah ta. La awpa ta reipasao chaimâh ta, châhrasala la khoh leipa ta.

2 ABEIZY 5:20

Khazohpa chyhsa Elaisâh chakaotuhpa Kehâzi ta, “Moh tua u, ei zibeipa ta Aramia chyhsa Nâmâ kha ngiachhie ta, hmo a vaw phaopazy a ku tawhta la leipa ta, a pasiesa haw. Abeipa hrona reipa ta ei reih, a kei chadai aw na ta, khâpa chhâ ma ei kei la tua aw,” tah ta.

ZAWHÂNA 1:27

ano cha ei hnôhlâ ta a vypa châ ta, kei la a pheiky ri a pathlâ tlâh chhao châ va na,” tah ta.

2 KAWRINI 12:14

Pachâ tua u, tahmâ he nâmo lâ a vy awpa ei chhuahna a ei thôhna a châ. Nama phao cha pahri aw veih ei na. Nama hmo hneipa tlua a chhuah leipa na ta, nâmo tlao ei cha tlua ei. Sawzy ta nôpawzy châta ryu ama pachôpa awpa châ leipa ta, nôpawzy ta sawzy châta ryu ama pachô tyh.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.