ÂTHAONA 14:20 - Mara Bible RV (BSI)

²⁰ Na chariahpa na ku liata châ pietuhpa Khazohpa Chônôchaipa cha, Reithaipa ta y mawh sy,” tah ta. Abarâ ta Melkizade cha ato tawhta su hrawh su kha pie ta.

ÂTHAONA 14:20 ပူးပေါင်းရင်းမြစ်များ

ÂTHAONA 14:21

Sawdawmâ bei ta Abarâ hnohta, “Chyhsazy he na pie la, hmozy he cha nâma a la mah y,” tah ta.

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

ÂTHAONA 28:22

he alô, lôbô ta ei bôpa he Khazohpa o a châ aw. Chatanachata nâ ta eina piepa chi zydua tawhta su hrawh su kha â kipa ta ei cha pie lymâ aw,” tahpa ta bie a taih ta.

ÂTHAONA 47:24

Sâh hria daihti liata, Phiraoh châta su pangawh su kha lymâ pie aw ei chi ta, su palih nâmo eih a châ aw. Cha cha lyu liata cheih heih awpa châta zy, nâmo nata nama chhôhkhazy nie awpa châta zy, nama hawtizy nie awpa châta zy a châ aw,” tah ta.

ÂTHAONA 47:26

Phiraoh ta su pangawh liata su kha a hmô lymâ awpa kyh cha, Zawsi ta Izi râh ryhpa châta tao ta, cha cha tanoh taihta hmâpa châ ta, theihthaipazy râh deita Phiraoh râh lâta a lie leipa a châ.

ÂTHAONA 9:26

“Zehôvâh, Semâ Khazohpa cha reithaipa ta y sala, Kâna cha ama sei ta y mawh sy!

2 SAMUELA 18:28

Ahimazi ta awh ta, abei hnohta, “Thâtih a pha khai,” tah ta. A hmia alei lâ a khupa ta abei hmiakô liata a bôh ta, a hnohta, “Ei zibeipa abei he a dyuh ta, ku a hypa chyhsazy na ku liata châ pietuhpa Abeipa na Khazohpa cha reithaipa ta y mawh sy,” tah ta.

2 THÂTIHZYRONA 31:12

Thyunazy, su hrawh su khazy nata hmohlâpa pathaihpazy ngâchhih ngaitapa ta vaw pangia lymâ ei ta. Cha thyunazy mohôhtuhpa hyutuhpa cha Livai pathla Kônaniah châ ta, a unawhpa Simei cha a pazipa a châ.

NEHEMIAH 10:37

Viahchhâ eima tao tuapazy, eima thyunazy, theilâpa to, kresawhti nata sathaw zy eima Khazohpa o chhôhpadâhpa liata theihthaipazy lâ cheih tyh aw pi ta, eima chhaohlei patheipa su hrawh su kha chhao Livai pathlazy eima pie lymâ aw, Livai pathlazy cha eima raihriana khi to liata su hrawh su kha a pakhytuhpazy ama châpa vâta.

NEHEMIAH 13:12

Zudâh mo zydua ta sâh su hrawh su kha, kresawhti nata sathaw thyuna sôh sona liata vaw soh ei ta.

HLAZY 144:1

Abeipa, ei lôpanô cha reithaipa ta y mawh sy, Ano ta ei kuzy he hrâsiezie pachu ta, Ei ku parozy he a dyuhzie a pachu.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 68:19

Abeipa cha reithaipa ta y mawh sy, Ano cha noh chareih ta phaohri miah phaokheituhpa châ ta, Khazohpa cha eima pachhana a châ. Selah

PUASAINA 18:10

Zetharô ta, “Izi mo ku tawhta nata Phiraoh ku tawhta nâma châ pachhatuhpa nata Izarei sawzy Izi mo ku tawhta a pachhatuhpa Abeipa cha reithaipa ta y mawh sy!

AMÔSÂ 4:4

“Bethel lâ a vy u la, Vaw molei teh u; Kilkal lâ a vy u la, Moleina vaw papôh teh u. Namâ theihnazy cha, My chareih ta vaw cheih u la; Nama su hrawh su khazy cha, Noh thôhna noh ta vaw cheih teh u.

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

MALUHREINA 28:26

“Nama hâta kyhchhi chhôh ta, Abeipa lâta niepa hlâna sâh thiehpa, thei hmiatuapazy nama hlâna noh ta, pakhypi pathaihpa hnei aw ei chi ta, rai rupa nama hria awpa châ vei.

LUKA 18:12

Hâta chareih ta ei no kâhvileipa ta y tyh na ta, ei hmôpa zydua tawhta su hrawh su kha ei pie lymâ,’ tah ta.

RAWMA 15:16

Khazohpa thâtihpha châta theihthaina chakaona raihria liata, Zenitaizy hry liata Krista Zisu chakaotuhpa châta raopa ei châ. Chatanachata Zenitaizy hmohlâpa cha Thlahpa Pathaihpa ta pathaisa aw ta, a pyh tlâh a châ aw.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

RYHPACHANEINA 14:23

Abeipa nama Khazohpa china châh nama pahno lymâ thei nawpa ta, nama sâh, nama kresawhti, nama sathaw nata nama viahchao hri nata nama mietaku zaw hry liata a pataw tua chaipazy tawhta su hrawh su kha cha, Abeipa nama Khazohpa ta a moh y nawpa ta â tlyh awpa su liata, ano hmiakô liata nama nie tyh aw.

RYHPACHANEINA 14:28

“Kô thôh chhâna maihta, cha kô liata kôvei zydua tawhta su hrawh su kha vaw cheih aw ei chi ta, nama yna khih liata nama pahmaoh aw.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.