ÂTHAONA 14:14 - Mara Bible RV (BSI)

¹⁴ Abarâ cha a unawhpa sei ta amâ chhipa thâtih a theipa nahta, a o liata a pihpa, chariah a dyuhna thaipa chyhsa 318 a chhi ta, Dânâ khih taihta a chadai ta.

ÂTHAONA 14:14 ပူးပေါင်းရင်းမြစ်များ

ÂTHAONA 12:16

Chanô vâta Phiraoh cha Abarâ chô liata pha ngaita ta, mietakuzy, viahchaozy, alâ chapawpazy, seichapaw nata seichanôzy, alâ chanôpazy nata râraoseihpazy pie ta.

ÂTHAONA 12:5

Abarâ cha a lapinô Sârai, a nawhta sawchapawpa Lawta, a hneipa zydua nata Harânâ khih liata chyhsa a hneipa zydua a chhi ta, Kâna râh pangaipa ta sie ei ta. Kâna râh ama tlô nahta,

ÂTHAONA 13:8

Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih.

ÂTHAONA 14:12

Sawdawmâ khih liata a pahrâpa Abarâ unawhpa sawchapawpa Lawta chhao patu ei ta, a hneipa zydua chhaota siekhei ha ei ta.

ÂTHAONA 14:16

Hmo zydua a liekhei khai ta, a unawhpa Lawta nata a hneipa zydua nata chanôzy nata chyhsa zydua â liekhei khai ha ei.

ÂTHAONA 15:3

Abarâ ta, “Saw na pie leipa chi ta, moh tua, ei o liata nâ chakaotuhpa ta ei ryu cha a to aw,” tah ta.

ÂTHAONA 17:12

Chhâ vaw y lymâ awpa zydua liata, nama hry liata chapaw maih, na o liata a pihpa nata na pathla a châ hlei leipa chihropa tawhta sôh ta na chaleipazy chhao, noh charie uhtheipa ama châ nahta chopaw tai khai awpa a châ.

ÂTHAONA 17:23

Chatanachata Abarahâ ta a sawchapawpa Ismela nata a o liata a pihpa sei zydua nata tâkâ sôh ta a chaleipa zydua, Abarahâ o liata chapaw maih a chhi ta, Khazohpa ta a hnohta a reipa hawhta, cha noh lia tlai ta ama chopaw vo cha taipa khai ta.

ÂTHAONA 17:27

A o liata chapaw maih, a o liata a pihpa nata chihropa tawhta tâkâ sôh ta a chaleipazy chhao ano hnohta chopaw tai khaipa ama châ.

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 23:6

“Ei zibeipa y, miah nathlie teh. Nâ cha eima hry liata bei thatlôpa châ chi ta, eima thlâsu pha chaipa liata na lapinô ri cha pabu mah y. Nâma lapinô ri pabu nawpa ta eima hry liata ahy hmah eima thlâ a pasaih leipa y ma pi,” tah ei ta.

1 ABEIZY 15:20

Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta, chatanachata Izô, Dânâ, Abebemâkâ nata Chinerô khihpizy nata Nâthalai râh zydua pahnie ta.

HLAZY 68:12

“Beizy nata ama pheisaihzy rawrôh ta a râ ei ta, Amâ râpai khai haw,” ama tah. O hâtuhpa chanôzy ta hraona sôh amâ rai.

BIESOZY 17:17

Viasa cha khatino rai ta kyhpachâ ta, Unawhpa deikua cha tymâna daihti châta a pihpa a châ.

BIECHHOTUHPA 2:7

Seichapawzy nata seichanôzy chalei na ta, ei o liata a pihpa seizy chhao ei hnei. Viahchao hri hluhpi nata mietaku zaw hluhpi hnei na ta, Zerusale liata a vaw y tuapazy hlâta thata ei hnei hluh via.

ZEREMIAH 41:12

ama pheisaih zydua a chhipa ta, Nethaniah sawchapawpa Ismela a dyuh awpa ta sie ei ta. Kibiô tipo laipa liata kei pha ei ta.

RYHPACHANEINA 34:1

Mawsi cha Môabâ bypi tawhta Zerikô dady Nebô Tlâh liata Piskâ tlâh laki lâ khy ta. Abeipa ta râh zydua pamosa ta, Kilia tawhta Dânâ taih,

1 ZAWHÂNA 2:18

Sawzy saih u, daihti hnôhchaipa a châ haw. Krista dyuhtuhpa â vy aw tahpa nama theipa hawhna khata, tahmâ chhao Krista dyuhtuhpa hluhpi ama vaw pua haw. Chavâta daihti hnôhchaipa a châ haw tahpa eima pahno.

RYUREITUHPAZY 18:29

Izarei sawchapawpa Dânâ, âmo pathlatuhpa moh a bi hnâpa ta, a khihpi moh cha Dânâ bi ei ta, cha khihpi moh hmiatuapa cha Laisâh a châ.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.

1 SAMUELA 30:19

A lai a chyh, sawchanô sawchapaw, ama hraopa nata ama lapa hmo khâpa hmah a ki leipa y tlâ vei. A zydua ta Dâvi ta a la pakhua khai haw.