ÂTHAONA 13:9 - Mara Bible RV (BSI)

⁹ Na hmiakô liata râh zydua y vei mâ? Ngiachhiepa ta keima tawhta a panano thlâh ha mah y. Nâ chavei lâ na sie khiahta cha, kei chachâh lâ sie aw na ta, nâ chachâh lâ na sie khiahta cha, kei chavei lâ ei sie aw,” tah ta.

ÂTHAONA 13:9 ပူးပေါင်းရင်းမြစ်များ

ÂTHAONA 13:10

Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 13:8

Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih.

ÂTHAONA 20:15

Abimele ta, “Moh tua, na hmiakô liata ei râh a y hih. Na khona su liata pahrâ mah y,” tah ta.

ÂTHAONA 34:10

Eima hnohta pahrâ aw ei chi ta, nâmo châta râh he pahypa a châ. He râh liata pahrâ u la, sôh zy palie u la, râh he ryuto châta hnei teh u,” tah ta.

HLAZY 120:7

Kei cha adyhna a khohpa châ na ta, Châhrasala bie ei rei nahta, A dyuh awpa ama khoh ha tyh.

ZEREMIAH 40:4

Tahmâ pachâ teh, na ku liata bâliazy tawhta tanoh ei cha pathlie haw. Babylaw lâ ei hnohta a khy awpa na khoh khiahta cha a khy la, a phapa ta ei cha hrôbieh aw. Babylaw lâ ei hnohta nâ khy khoh vei khiahta deikua cha, a khy hlei khah y. Moh teh, râh zydua na hmiakô liata a y hih. Â ryh na tahpa nata pha na tahpa lâ maih sie mah y.

RAWMA 12:18

Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u.

1 KAWRINI 6:7

Unawh nata unawh likah liata biepeipa nama hnei tyhpa heta, pahnie chhieliepa nama châpa a palâsa. Khazia â do leipa ta ama cha teipa chhao ta, maoh nama oh thlâh vei? Khazia ama cha dôveipa chhao ta, namâ padôveisa thlâh ha vei?

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.