ÂTHAONA 13:7 - Mara Bible RV (BSI)

⁷ Abarâ sahroh vaituhpazy nata Lawta sahroh vaituhpazy likah liata ahryuna vaw pua ta. Cha daihti liata, cha râh liata a pahrâpazy cha Kâna mo nata Perizi mozy ama châ.

ÂTHAONA 13:7 ပူးပေါင်းရင်းမြစ်များ

ÂTHAONA 10:19

Kâna mo râhri cha Sidaw khih tawhta Kerâ lâ sie lymâpa ta Kâza khih taih sie ta, cha tawhta Sawdawmâ, Kawmawrâ, Adamâ, nata Zebô khihzy lâta sie lymâ ta, Lâsâ khih taih a sie.

ÂTHAONA 12:6

Abarâ cha râh chahryh ta, Sekhe su liata Môre thokô laipa taihta chahryh ta. Cha daihti liata, cha râh liata a pahrâpazy cha Kâna mozy ama châ.

ÂTHAONA 21:25

Abimele chakaotuhpazy ta tikhaoh ama chhu hapa kyh liata, Abarahâ ta Abimele chô liata nôu bie reih ta.

ÂTHAONA 26:20

Kerâ liata sahroh vaituhpazy ta, “Ti he keimo eih a châ,” tahpa ta Aisika sahroh vaituhpazy cha a hryuh ei ta. Tikhaoh ama chhupa vâta, Aisika ta tikhaoh cha Eseka tahpa ta a moh a bi.

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

ÂTHAONA 46:34

nâmo ta, ‘Na seizy he eima hawtita tawhta tahmâ taihta, miah pathlatuhpazy hawhta, sahroh vaituhpazy eima châ’ nama tah aw. Chatanachata Kôse râh liata nama pahrâ thei aw, mietaku vaituhpazy cha Izi chyhsazy châta pasichhihpa châ tlôh ei ta,” tah ta.

NEHEMIAH 5:9

Chavâta ama hnohta, “Nama hmotaopa he pha vei. Eima chariah phophizy ta miah ama pahneisao lei nawpa ta, eima Khazohpa nama chi awpa châ vei ma?

PUASAINA 2:17

Mietaku vaituhpazy a vy ei ta, ama mietakuzy cha topa ha ei ta. Mawsi vaw thyu ta, laihsazy cha pachha ta, ama mietaku zaw cha ti padosa ta.

BIESOZY 20:3

Ahryuna a chalihsaipa cha zachhihna palâsa ta, Ahrupa deikua cha tu a thyu laih aw.

MÂKA 3:25

Chhôhkha nata chhôhkha a dyuh ei sala, cha chhôhkha cha a duah thei aw vei.

1 KAWRINI 3:3

sapa chyhsa nama châ chypa vâta. Nama hry liata hiatliana nata aeichhiana zy a y thlâh ha chy khiahta cha, sapa chyhsa châ chy ei chi ta, sapa hro ta a hrohpa châ thlâh ha chy veih ei chi ma?

KALATIA 5:20

nothlahpa achhyna, dyuthaina, ahaona, ahryuna, hiatliana, pathichhiena, ateina, apananona, achhaihna,

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

1 THYSALAWNIKA 4:12

Chatanachata khôtho chyhsazy hmiakô liata zachhihna hlao aw ei chi ta, ahy hmah a ngâchhâ aw veih ei chi.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 3:16

Hiatliana nata khohlei khona a yna lia maihta, tymâna nata paraona pasichhihpa to a y tyh.

ZÂMIE 4:1

Nama hry liata adyuhna nata ahryunazy he khâpa tawhta a pua tyhpa ma a châ? Nama aohraohnazy vâta nama pôhpa pachiahpazy liata adyuhna a tao tyhpa châ vei ma?

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.