ÂTHAONA 13:16 - Mara Bible RV (BSI)

¹⁶ Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 13:16 ပူးပေါင်းရင်းမြစ်များ

ÂTHAONA 15:5

Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 16:10

Abeipa vâlyuhchâpa lilaw ta a hnohta, “Na pathlazy thata papôhsa aw na ta, Ama hluhzie reih tiahpa châ aw vei,” tah ta.

ÂTHAONA 17:16

Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.

ÂTHAONA 17:2

Chatanachata keima nata nâma likah liata ei biehrai tao aw na ta, maluh thata ei cha papôhsa aw,” tah ta.

ÂTHAONA 17:20

Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw.

ÂTHAONA 17:6

Na chipathla thata papôhsa aw na ta, nâma tawhta phopizy pua aw ei ta, beizy ama pua aw.

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

ÂTHAONA 21:13

Seichanô sawchapawpa chhao, na pathla a châpa vâta phopi ta ei padua aw,” tah ta.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 28:3

Khazohpa Atotaotheipa ta byhnâ cha pie sala, phopi hluhpi na vaw châ thei nawpa ta, chi hluhpi cha pathlasa sala, cha papôh mawh sy.

ÂTHAONA 32:12

Nâma ta, ‘A phapa ta cha tao tlai aw na ta, na pathlazy cha tilaipi sadi rei tiah leipa tlu ta hluhpa ta ei cha tao aw,’ tah chi ta,” tah ta.

ÂTHAONA 32:13

Cha zâ cha, cha liata a rie ta. A uhta Esaw kuhria pie awpa ta, a hneipa hry tawhta,

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

1 ABEIZY 3:8

Châ chakaotuhpa he nâ ta nâ tlyhpa na phopi, phopi rônahpa, zasâh manôh reih tiah leipa nata paki tiah leipazy hry liata ei y.

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

1 THÂTIHZYRONA 21:5

Zôabâ ta Izarei phopi maluh pahlyhpakhypa cha Dâvi chho ta. Izarei râh zydua liata, zaozi a chaba theipa chapaw 1,100,000 y ei ta, Zudâh râh liata 470,000 ama y.

1 THÂTIHZYRONA 27:23

Abeipa ta Izarei sawzy cha avâ awhsi zie ta pôh awpa ta bie â vaw taih hapa vâta, kô kih ry lâ cha Dâvi ta ama maluh reih vei.

2 THÂTIHZYRONA 1:9

Hy Zehôvâh Khazohpa y, ei paw Dâvi hnohta na bietai kha tahmâ patlô mah y. Nâma tlai ta alei dohlei zie ta a hluhpa phopi chô liata bei ta eina tao chi hih.

ZAWBÂ 5:25

Na chipathlazy ama hluh ngaita aw tahpa pahno aw chi ta, Na pathlazy cha alei sibiepa hawhta ama châ aw.

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

ZEREMIAH 33:22

Avâ awhsizy rei tiah awpa châ leipa ta, tilaipi sadizy panua tiah awpa a châ leipa hawhta, nâ chakaotuhpa Dâvi chipathlazy nata ei chakaona rai a hriatuhpa Livai chi chipathlazy ei papôh aw.”

MALUHREINA 23:10

Ahy ma Zakaw dohlei reih thei aw ta, Ahy ma Izarei doh khuh a paki thei aw? Mosiapa thipa hawhta thi sah la, Ano chhâna hawhta ei chhâna châ mawh sy!” tah ta.

RYHPACHANEINA 1:10

Abeipa nama Khazohpa ta cha papôh ei ta, moh teh u, tahmâ cha vâ awhsi zie tlai ta nama vaw pôh haw.

HEBRAI 11:12

Chatanachata chapaw pakha, athipa hawhta pachâpa tawhta, avâ liata awhsi zie ta a hluhpa nata tilaipi ngiahkâ liata sadi rei tiah lei zie ta a hluhpa chipathlazy ama vaw pua haw.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.

RYUREITUHPAZY 6:3

Izarei ta chi a chei daihti maihta, Midia mo, Amale mo nata nochhi sawzy a vy ei ta, Izarei sawzy cha a dyuh tyh ei ta.

RYUREITUHPAZY 6:5

Ama sahroh nata poh ozy chhaota vaw thyu tyh ei ta, khawsu tlu ta hluhpa ta vaw thyu ei ta, a chyhsa maluh nata ama râraoseihpazy cha rei tiah awpa chhao châ veih ei. A vy ei ta, râh cha roryhrapa ta ama so tyh.