ÂTHAONA 13:15 - Mara Bible RV (BSI)

¹⁵ Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 13:15 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:17

Râh he ei cha pie awpa vâta, thyu la, a doh lâ nata a hâ lâ chahry khai mah y,” tah ta.

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 28:4

Na khichhai châna râh, Khazohpa ta Abarahâ hnohta a piepa râh he, ryuto châta na hnei thei nawpa ta, Abarahâ byhnâ cha, Khazohpa Atotaotheipa ta nâ nata na hnohta a ypa na pathlazy hnohta cha pie mawh ei sy,” tah ta.

ÂTHAONA 35:12

Abarahâ nata Aisika hnohta râh ei piepa kha, Nâ cha pie na ta; Na pathla a vaw y lymâ awpazy hnohta chhao, Râh cha ei pie aw ei,” tah ta.

ÂTHAONA 48:4

ei hnohta, ‘Pachâ teh, chi hluhpi cha pathlasa aw na ta, ei cha papôh aw. Phopi hluhpi ta cha tao aw na ta, na hnôhlâ ta na pathla hnohta, he râh he chhâzaw ryuto châta ei pie aw,’ na tah ta.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

1 THÂTIHZYRONA 16:18

“Kâna râh cha pie aw na ta, Cha cha na ryuto râh a châ aw,” a tah.

2 THÂTIHZYRONA 20:7

Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

HLAZY 37:22

Abeipa ta byhnâ a piepazy ta, Râh ryu to aw ei ta, Abeipa ta chhie a sa hapazy deikua cha, Chhawh pathlahpa ama châ aw.

HLAZY 37:29

Mosiapazy cha râh ryu to aw ei ta, Cha liata chhâzaw ta ama pahrâ aw.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

PUASAINA 33:1

Abeipa ta Mawsi hnohta, “Izi râh tawhta nâ kaw chhi papuapazy chhao khata, he su tawhta pua u la, Abarahâ, Aisika nata Zakaw hnohta, ‘Na pathlazy hnohta ei pie aw,’ tahpa ta bie ei vaw taihpa râh lâ khy teh u.

ISAI 63:18

Na supathaihpa cha, Bohpi leipa chhôh deita na phopi ta hnei pi ta, Tahmâ cha eima chariahpazy ta ama tlypâ ha hih.

MALUHREINA 34:2

“Izarei sawzy chho la, ama hnohta hetana heta biepie teh: Kâna râh nama tlô tita, nama ryuto râh a châ awpa Kâna râhri cha he hawhta a châ aw.

MATHAI 5:5

“Nônaipazy ama nohlao na, lei ryu ama to awpa vâta.

HMOTAOPAZY 7:5

Châhrasala Khazohpa ta Abarahâ cha, he râh liata ryuto râh phei tlyna khi chhao pie leipa ta, saw a hnei lei tarawpa ta, a hnôhlâ ta a vaw pazi awpa a chipathla hnohta râh pie awpa ta bie a taih ta.

RYHPACHANEINA 34:4

Abeipa ta a hnohta, “He râh he, Abarahâ, Aisika nata Zakaw hnohta, ‘Na pathlazy ei pie aw ei,’ tahpa ta bie ei taihpa râh kha a châ. Na mo ta cha pahmôsa na ta, châhrasala a ngia aw va chi,” tah ta.

RYHPACHANEINA 9:5

Nâmo siana vâta tlyma, nama palôh â dopa vâta tlyma, ama râh liata a ngiapa ta nama hnei awpa châ leipa ta, he phopizy moleipa vâta nata Abeipa ta châ pathlatuhpa Abarahâ, Aisika nata Zakaw zy hnohta bie â vaw taihpa a pa-i thei nawpa ta, Abeipa nama Khazohpa ta âmo cha nama hmiakô tawhta a papuapa a châ.