ÂTHAONA 13:10 - Mara Bible RV (BSI)

¹⁰ Lawta cha mohmia pasaih ta, Zawâ tlôna taihta Zawdâh bypi zydua cha Abeipa sadô hawhta nata Izi râh hawhta ti phana by a châpa ta hmô ta. Cha cha Abeipa ta Sawdawmâ nata Kawmawrâ khih a parao hlâ daihti a châ.

ÂTHAONA 13:10 ပူးပေါင်းရင်းမြစ်များ

ÂTHAONA 11:27

Hezy he Terâ pathlazy ama châ: Terâ ta Abarâ, Nâhaw nata Harânâ zy sa ta, Harânâ ta Lawta a sa.

ÂTHAONA 13:11

Lawta cha ano châta Zawdâh bypi zydua a tlyh ta, nochhi lâ pangaipa ta sie ta. Cha hawhna chata Abarâ nata Lawta cha a chhaih ha ei ta.

ÂTHAONA 13:9

Na hmiakô liata râh zydua y vei mâ? Ngiachhiepa ta keima tawhta a panano thlâh ha mah y. Nâ chavei lâ na sie khiahta cha, kei chachâh lâ sie aw na ta, nâ chachâh lâ na sie khiahta cha, kei chavei lâ ei sie aw,” tah ta.

ÂTHAONA 14:2

âmo heta Sawdawmâ bei Berâ, Kawmawrâ bei Bisâh, Adamâ bei Sinâbi, Zebô bei Semebe nata Belâ beizy a dyuh awpa ta siehnao ei ta. Belâ cha Zawâ a châ.

ÂTHAONA 14:8

Chatanachata Sawdawmâ bei, Kawmawrâ bei, Adamâ bei, Zebô bei nata Belâ beizy cha pua ei ta, a dyuh awpa ta Sidi saikao liata a pahmaoh ei ta. Belâ cha Zawâ a châ.

ÂTHAONA 3:6

Chanô ta tho theipa cha moh ta, nie awpa châta phapa nata mo la ngaitapa a châpa ta hmô ta, sona hnei thei nawpa tho thei hiatlia chhihpa a châzie a pahno nahta, a thei cha lyu ta, nie ta, a hnohta a ypa a vahpa chhao pie ta, ano chhao nie hra ta.

ÂTHAONA 47:6

Izi râh cha â hôh thlâh ha mâh tâh. Na paw nata na unawhzy cha râh pha chaipa liata pahrâsa mah y. Kôse râh liata pahrâ mawh ei sy. Ama hry liata a tao thei awpa chyhsa na pahno khiah ei ta cha, ei sahroh chô liata hyutuhpa ta na tao aw ei,” tah ta.

ÂTHAONA 6:2

Khazohpa sawchapawzy ta chyhsapa sawchanôzy cha chhithai tah kaw ei ta, ama khopa chyu lapinô ta hnei ei ta.

1 ABEIZY 7:46

Chazy cha abei ta Zawdâh bypi liata Sukô nata Zarethâ likawh beihlei su liata leih ta.

ZAWBÂ 40:23

Moh teh, tisaih chi leipa ta, Zawdâh chavah ta a pakah a supa chhao ta a thlazoh vei.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

ISAI 15:5

Môabâ vâta ei chhôhso â rôh; A chyhsazy Zawâ lâ a râ ei ta, Ekalâselisia lâ amâ râ khai haw. Chana chôta Luhi chakhâ kiah ei ta, Raona kyh awh laihpa ta Hôrônai lâpi lâ ama sie.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ZEREMIAH 48:34

“Hesbaw nata Elialeh liata awh ei ta, Zahâ taihta ama ao ama papua; Zawâ tawhta awh ei ta, Hôrônai tai nata Ekalâselisia taihta ama ao ama papua. Niri tizy chhao roryhrapa ta a y haw.

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 28:13

Khazohpa sadô Idâh liata y chi ta, Lôsôhpa to ta khupa na châ. Sâdi, tôpazi nata lônah zy, Beri, ôni nata zaspi zy, Saphai, emyrâ nata kabuni Lôsôhpazy ta khupa châ chi ta, Ngôh ta tobipa na châ. Taopa na châna noh liata, Cha hawhta pachhuahpanohpa na châ.

EZEKIA 31:8

Khazohpa sadô liata sidy thozy ta a kho leipa ei ta, Meisah thozy ta a chiahzy a kho veih ei; Asieh thozy ta a chiahzy a kho hra leipa ei ta, Khazohpa sadô liata tho kheihawhpa rai ta, Ano hawhta a ngiapa y veih ei.

EZEKIA 31:9

A buh parôhsa na ta, Â ngia ngaitapa ta ei tao; Idâh tho zydua ta ano cha uahva ei ta, Khazohpa sadô liata tho zydua ta ama uahva.”

EZEKIA 47:18

“Nochhi lâta râhri cha, Haurâ nata Dâmaskâ likawh liata sie lymâ aw ta, Kilia nata Izarei râh likawh ta Zudâh chavah saopa ta, nochhi tilaipi lâta sie aw ta, Tâmâri a tlô aw. Cha cha nochhi lâta râhri a châ aw.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

RYHPACHANEINA 34:3

Neke nata Bypi tawhta Zawâ taih pamosa ta. Bypi cha thiahrâ khihpi Zerikô saikao a châ.