ÂTHAONA 12:3 - Mara Bible RV (BSI)

³ Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 12:3 ပူးပေါင်းရင်းမြစ်များ

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 24:35

Abeipa ta ei zibeipa cha byhnâ thata pie ta, chyhsa hneirôhpa a vaw châ haw. Abeipa ta ano cha mietaku nata viahchao zawzy, tâkâ nata ngôhzy, seichapaw nata seichanôzy, râraoseihpa nata alâzy pie ta.

ÂTHAONA 25:11

Abarahâ a thi tawhta, Khazohpa ta a sawchapawpa Aisika cha byhnâ pie ta. Aisika cha Belahairô kiapâh liata pahrâ ta.

ÂTHAONA 26:29

Na pei cha hria leipa pi ta, hmo phapa dei leipa ta na chô liata khâpa hmah tao beih leipa pi ta, thlalôhpa ta eima cha pasiesapa hawhna khata, nâ chhao ta eima chhie nawpa na tao lei nawpa ta, na hnohta biehrai tao awpa eima khoh. Tahmâ cha Abeipa ta byhnâ a piepa na châ haw,” tah ei ta.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 30:27

Lâbâ ta a hnohta, “Na modypa ei châ khiahta cha, ngiachhiepa ta y chy mah y. Nâma zawhzi ta Abeipa ta byhnâ eina pie tahpa aluahna ta ei hmô haw,” tah ta.

ÂTHAONA 30:30

Ei vaw tlô no kha a chyhta dei hnei chi ta, tahmâ cha a hluhpi ama vaw châ ha hih. Ei siena lâ maihta Abeipa ta byhnâ a cha pie lymâ. Khatita ma ei chhôhkha châta ei patohpatia thei hra aw?” tah ta.

ÂTHAONA 39:5

Pawtipha ta Zawsi cha a o liata nata a hneipa zydua chô liata biehneituhpa ta a so rakha tawhta, Zawsi vâta Abeipa ta Izi chyhsa chhôhkha cha byhnâ pie ta, o lâ nata râh lâta a hneipa zydua chô liata Abeipa ta byhnâ pie lymâ ta.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

PUASAINA 23:22

“Châhrasala a bie pakhâta ta nathliepa ta, ei reipa zydua na tao khiahta cha, na chariahpazy châta chariahpa châ aw na ta, na khakhaipazy châta khakhaipa ei châ aw.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

KALATIA 3:16

Bietaizy cha Abarahâ nata a chipathla hnohta taopa a châ. “Chipathlazy hnohta,” tahpa ta chyhsa hluhpi hnohta bie hraipa châ leipa ta, “Na chipathla hnohta,” tahpa ta mopakha a nuapa ta biehraipa châ ta, cha cha Krista a châ.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KALATIA 3:8

Zenitaizy cha ngiapâna vâta Khazohpa ta thai a pachâsa aw ei tahpa Biehrai ta pahno chhielie ta, “Nâma liata phopi to byhnâ topa ta ama y aw,” tahpa ta Abarahâ hnohta thâtihpha a vaw chho chhielie hapa a châ.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.