ÂTHAONA 12:2 - Mara Bible RV (BSI)

² “Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 12:2 ပူးပေါင်းရင်းမြစ်များ

ÂTHAONA 13:16

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

ÂTHAONA 15:5

Khôtho lâ puakhei ta, a hnohta, “Avâ lâ khi moh la, awhsizy khi na reih tiah khiahta cha reih tua,” tah ta. Abeipa ta a hnohta, “Na pathlazy cha, khi hawhna khita ama châ aw,” tah ta.

ÂTHAONA 17:20

Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw.

ÂTHAONA 18:18

Abarahâ cha phopi rônahpa nata thatlôpa vaw châ tlai aw ta, ano liata khizaw phopi zydua byhnâ topa ta ama y aw.

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

ÂTHAONA 19:29

Khazohpa ta bypi khihpizy a parao nota, Khazohpa ta Abarahâ cha a thei thlâh ha ta. Chatanachata Lawta pahrâna khihpizy a parao nota, Lawta cha a rao haipa hry tawhta â chhi papua haw.

ÂTHAONA 24:1

Abarahâ cha vaw machâ ta, pawpi kaw bâ ta. Abeipa ta Abarahâ cha kyh to liata byhnâ pie ta.

ÂTHAONA 24:35

Abeipa ta ei zibeipa cha byhnâ thata pie ta, chyhsa hneirôhpa a vaw châ haw. Abeipa ta ano cha mietaku nata viahchao zawzy, tâkâ nata ngôhzy, seichapaw nata seichanôzy, râraoseihpa nata alâzy pie ta.

ÂTHAONA 25:11

Abarahâ a thi tawhta, Khazohpa ta a sawchapawpa Aisika cha byhnâ pie ta. Aisika cha Belahairô kiapâh liata pahrâ ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

2 SAMUELA 7:9

na siena maih liata na hnohta y lymâ na ta, na chariah zydua na hmiakô tawhta ei chhawh pathlah ha ei. Alei chô liata chyhsa rônahpazy hawhta, moh rônahpa ei cha taopa aw.

1 ABEIZY 1:47

Cha dei châ vei, bei chakaotuhpazy a vy ei ta, eima zibeipa Bei Dâvi cha a vaw lykhei ei ta, ‘Na Khazohpa ta Sawlawmaw moh cha nâma moh hlâta pathâhsa via sala, a beidyuchhai cha nâma beidyuchhai hlâta parônahsa via mawh sy,’ ama tah. Abei chhao ta a rakhô liata a bôhpa ta â naoh ei.

ZAWBÂ 35:8

Na moleina cha nâ hawhpa chyhsa chô liata hria ta, Na siana chhao chyhsapa châta dei a phahnai.

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

PUASAINA 32:10

Chavâta na patypamâ khao mâh khah y, ei pathi iana ta âmo kâ sala, ei pahleipadia khai hana hâh ei ta. Chatanachata nâ cha phopi rônahpa ta ei cha tao aw,” tah ta.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

EZEKIA 34:26

Âmo nata ei tlâhthlôh chaby suzy cha byhnâ pachâsa aw na ta, a daihti ta avâ pasuasa tyh aw na ta, vâ byhnâzy a vaw suah aw.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

MALUHREINA 14:12

Hri ta hrie aw ei na ta, ei pamua aw ei; chatanachata nâma liana heta âmo hlâta rônah viapa nata thatlô viapa phopi ei padua aw,” tah ta.

MALUHREINA 22:12

Khazohpa ta Bâlâma hnohta, “Ama hnohta na sie awpa châ leipa ta, cha phopi cha chhie na sapa awpa châ hra vei. Âmo cha byhnâ a topa ama châ,” tah ta.

MALUHREINA 23:20

Pachâ teh, Byhnâ aw awpa ta biepiepa ei dao; Byhnâ awpa ha ta, Panano thei khao va na.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

KALATIA 3:14

Chatanachata Abarahâ châta byhnâ awna cha, Krista Zisu vâta Zenitaizy hnohta vaw tlô aw ta, Thlahpa taihpa cha ngiapâna ta eima hmô thei aw.

KALATIA 3:7

Chavâta pahno teh u, ngiapâna liata a ypazy, chazy tlai cha Abarahâ sawzy ama châ.

RYHPACHANEINA 26:5

Chatawhcha Abeipa nama Khazohpa hmiakô liata, ‘Eima paw cha Aramia chyhsa viavipa châ ta, Izi râh lâ zu ta, manôh chyhta chhaota cha liata za pahrâ ta, cha liata phopi rônahpa, thatlôpa nata maluh hluhpi vaw châ ta.