ÂTHAONA 12:13 - Mara Bible RV (BSI)

¹³ Nâma vâta â bohpa ta ypa ta, nâma vâta ei hroh thei nawpa ta, ngiachhiepa ta, ‘A sietanô na ei châ’ tah mah y,” tah ta.

ÂTHAONA 12:13 ပူးပေါင်းရင်းမြစ်များ

ÂTHAONA 11:29

Abarâ nata Nâhaw cha lapinô hnei ei ta. Abarâ lapinô moh cha Sârai châ ta, Nâhaw lapinô moh cha Harânâ sawchanô Milkâ a châ. Harânâ cha Milkâ nata Iskâ paw a châ.

ÂTHAONA 12:14

Abarâ cha Izi râh â ngia nahta, Izi mo ta chanô cha vaw hmô ei ta, chhithai tah ngaita ei ta.

ÂTHAONA 20:2

Abarahâ ta a lapinô Sârâ cha, “Ei sietanô na a châ,” tah ta. Chavâta Kerâ bei Abimele ta chyhsa tuah ta, Sârâ cha lapinô ta hnei ta.

ÂTHAONA 20:5

Ano tlai ta, ‘Ei sietanô na a châ’ tah vei ma? Chanô chhao ta, ‘Ei rilâhpa na a châ’ tah hra vei ma? Palôh dopa nata ku pathaihpa ta he hmo he ei taopa a châ,” tah ta.

ÂTHAONA 26:7

Cha khih chyhsazy ta a lapinô thâtih hiahri ei ta, “Ei sietanô na a châ” tah ta. A chhithai kawpa vâta, “A khih chyhsazy ta Rebekâ vâta eina thie pathlei aw ei na,” tah ta, “Ei lapinô na a châ,” a tah ngâh leipa a châ.

ISAI 57:11

Ahy ma chi chi ta, Ahy nâ ngiarohpa vâta ma, Haipa bie reih chi ta; Kei nâ thei khao leipa chi ta, Na palôh liata eina so khao vei chi tly? A chalih thlâh ha na ta, Bohpi ei chalih thlâh hapa vâta, Eina chi leipa chi châ vei ma?

ZEREMIAH 38:17

Chatawhcha Zeremiah ta Zedekia hnohta, “Pheisaihzy Khazohpa Abeipa, Izarei Khazohpa ta hetana heta a tah: Babylaw bei beimachâzy liata nâ hlâ khiahta cha, na hro pabohsa aw chi ta, khihpi he mei ta raopa châ leipa aw ta, nâ nata na chhôhkha nama hro awh.

ZEREMIAH 38:20

Zeremiah ta, “Cha hlâ aw veih ei. Na hnohta ei reipa Abeipa ao he nathlie mah y. Na châta pha aw ta, na hrona pahlôhpa a châ aw.

EZEKIA 18:4

Pachâ teh u, hrona zydua kei eih sai a châ. Paw hrona kei eih châ ta, sawchapawpa hrona chhao kei eih a châ. Moleina a taotuhpa ta a hrona a pahlei aw.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

KAOLAOSÂ 3:6

Cha hmozy vâna chata Khazohpa hiehâhna cha ngiapâleipazy chô liata a tlô hai.