ÂTHAONA 12:1 - Mara Bible RV (BSI)

¹ Abeipa ta Abarâ hnohta, “Na râh tawhta nata na chiheihzy tawhta nata na paw o tawhta pua la, râh ei cha pahmô awpa lâ sie mah y.

ÂTHAONA 12:1 ပူးပေါင်းရင်းမြစ်များ

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 20:13

Khazohpa ta ei paw o tawhta eina paviavisa nona khata, a hnohta, ‘Hetana heta ei chôta na kyhpachâna na palâsa aw. Eima tlôna su lia maihta, “Ei rilâhpa na a châ,” eina tah lymâ aw chi,’ tahpa ta ei vaw chho hapa tlai a châ,” tah ta.

ÂTHAONA 24:38

Ei paw o, ei chiheihzy yna lâ sie aw chi ta, ei sawchapawpa châta lapinô na kei hiapa aw,’ tahpa ta bie na pataihsa ta.

ÂTHAONA 24:4

Ei râh lâ, ei chiheihzy yna lâ tlai sie aw chi ta, ei sawchapawpa Aisika châta lapinô na kei hia awpa a châ,” tah ta.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 26:2

Abeipa a hnohta a vaw luah ta, “Izi râh lâ zu leipa la, râh ei cha chho awpa liata y mah y.

NEHEMIAH 9:7

“Nâ cha Zehôvâh Khazohpa châ chi ta, Abarâ a tlyhtuhpa na châ. Ano cha Kaldia râh Ur khihpi tawhta a chhi papuatuhpa nata Abarahâ tahpa ta a moh a bituhpa na châ.

ISAI 37:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

ISAI 41:9

Alei chhâna tawhta cha la na ta, Alei ki chhâna tawhta ei cha aw; Na hnohta, “Nâ chakaotuhpa châ chi ta, Châ tlyh ha na ta, Cha thy pathlah aw va na,” Ei tahpa na châ.

ISAI 51:2

Châ pathlatuhpa Abarahâ lâ kha moh u la, Châ satuhnô Sârâ lâ moh teh u. Abarahâ kha ei aw nota ano pakha dei châ ta, Byhnâ pie na ta, maluh hluhpi ta ei tao.

EZEKIA 33:24

“Chyhsa sawchapawpa y, Izarei râh su rypazy liata a ypazy ta, ‘Abarahâ kha ano pakha dei châ ta, chatanachôta râh hnei thei ta, keimo cha a hluhpi châ pi ta, râh cha eima ryuto châta piepa eima châ haw,’ tah ei ta.

MALUHREINA 10:30

Hôbâ ta Mawsi hnohta, “Vaw sie aw va na, ei râh nata ei chiheihzy lâ tlao ei lie aw,” tah ta.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

HEBRAI 11:8

Ngiapâna ta Abarahâ cha a ryuto râh lâ sie awpa ta awna zyh ta, khataih lâ ma a sie aw tahpa a pahno leipa chhao ta, a sie lymâ.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.