ÂTHAONA 11:8 - Mara Bible RV (BSI)

⁸ Chavâta Abeipa ta âmo cha, cha su tawhta khizaw su to lâta papai ta, ama khihpi paduapa chhao cha ama bâhsai haw.

ÂTHAONA 11:8 ပူးပေါင်းရင်းမြစ်များ

ÂTHAONA 10:25

Ebe ta sawchapaw pano sa ta, pakhapa moh cha Pele châ ta, alei liata phopizy he ano daihti liata pachhaihpa ama châ. A unawhpa moh cha Zawkatâ a châ.

ÂTHAONA 10:32

Chazy cha ama thyutôna nata ama râh yzie ta pachhaihpa Nôah sawchapaw pathlazy ama châ. Tipaua khai tawhta, âmo tawhta a puapa phopizy cha alei chô zydua liata ama paipatla.

ÂTHAONA 10:5

He sahlaozy tawhna heta ama reih, ama pho nata ama chi yzie lymâ hawhta ama râh chyu liata pahrâpa liahpahlô phopizy ama vaw pua.

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 11:9

Abeipa ta cha liata khizaw zydua reih a panano khai hapa vâta, cha khihpi moh cha Babylaw bipa a châ. Chatanachata Abeipa ta âmo cha, cha su tawhta alei chô zydua liata a papai khai ha ei.

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

HLAZY 33:10

Abeipa ta râhzy ryhraona cha hraoleipa ta pachâsa ta, Phopizy achhuahna a parao tyh.

HLAZY 92:9

Hy Abeipa, na chariahpazy moh tua, Na chariahpazy cha leidia aw ei ta, Hmoparaopa zydua papaipa ama châ aw.

LUKA 1:51

A bâh ta a thatlôzie pamosa ta, Palôh laipazy a papaipatla tyh.

RYHPACHANEINA 32:8

Chônôchaipa ta phopizy ama ryuto râh pie ta, Âdâh pathlazy a pachhaih nona khata, Khazohpa sawchapawzy maluh hawhta, Phopizy châta râhri a pakhâh.