ÂTHAONA 11:4 - Mara Bible RV (BSI)

⁴ Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 11:4 ပူးပေါင်းရင်းမြစ်များ

ÂTHAONA 6:4

Cha nohzy liata nata cha hnôhlâ chhao ta, alei chô liana heta mopahreihpa sahlao y ei ta. Cha chyhsazy cha Khazohpa sawchapawzy ta chyhsa sawchanôzy hnei ei ta ama pathlazy ama châ. Âmo he hlâno ta chyhsa thatlôpa nata mohpathâhpazy kha ama châ.

2 SAMUELA 8:13

Dâvi cha Alôh Saikao liata Aramia mo 18,000 a thie tawhta â vaw lie heihpa cha a moh thata pathâh ta.

HLAZY 107:26

Avâ lâ kiah ei ta, Âthupa lâ chô heih ei ta; Nôpona vâta ama riahphana a lei khai ha tyh.

HLAZY 92:9

Hy Abeipa, na chariahpazy moh tua, Na chariahpazy cha leidia aw ei ta, Hmoparaopa zydua papaipa ama châ aw.

BIESOZY 10:7

Mosiapa atheithlâhna cha vânoh tona châ ta, Moleipa moh deikua cha a thuzao aw.

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

DÂNIAH 4:11

Thokô cha kaw lai ta, pachyu ta, a kihthlao avâ daih ta, alei chhâna zydua tawhta hmô thei khaipa ta a y.

DÂNIAH 4:22

Hy abei y, kha thokô kha nâma he na châ. Kaw lai chi ta, na tha kaw tlô ta, na rônahna a sâh via rilipa ta avâ daih ta, nâ beinarâh chhao alei chhâna taihta a châ.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

LUKA 1:51

A bâh ta a thatlôzie pamosa ta, Palôh laipazy a papaipatla tyh.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

RYHPACHANEINA 1:28

Khataih lâ cha ma eima khy aw? Eima unawhzy ta, “Cha phopi cha keimo hlâta pahreih via ei ta, ama doh chhao a sâh via ta, ama khihpizy lai kaw ta, avâ a daihpa thokhyzy ta amâ dôh. Anâki pathlazy chhao eima hmô,” tah ei ta, eima hnabei miah ama pady khai haw,’ tah ei chi ta.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.

RYHPACHANEINA 9:1

“Hy Izarei, nathlie teh, nâmo hlâta maluh hluh viapa nata thatlô viapa, avâ taihta thokhy ta dôhpa khihpizy siehnao ta pho awpa ta, tanoh cha Zawdâh nama chaka bâ aw.