ÂTHAONA 11:31 - Mara Bible RV (BSI)

³¹ Terâ cha a sawchapawpa Abarâ, a samohpa Lawta, Harânâ sawchapawpa nata a myuhnô Sârai nata a sawchapawpa Abarâ lapinô zy a chhi ta, Kaldia râh Ur khihpi tawhta Kâna râh lâ sie awpa ta hmaohkha ta ama pua. Châhrasala Harânâ khihpi ama tlô nahta, cha liata pahrâ ei ta.

ÂTHAONA 11:31 ပူးပေါင်းရင်းမြစ်များ

ÂTHAONA 10:19

Kâna mo râhri cha Sidaw khih tawhta Kerâ lâ sie lymâpa ta Kâza khih taih sie ta, cha tawhta Sawdawmâ, Kawmawrâ, Adamâ, nata Zebô khihzy lâta sie lymâ ta, Lâsâ khih taih a sie.

ÂTHAONA 11:32

Terâ cha kô 205 hroh ta, Harânâ khih liata thi ha ta.

ÂTHAONA 12:4

Abarâ cha Abeipa reipa hawhta sie ta, Lawta chhao a hnohta sie hra ta. Abarâ cha Harânâ khih a puasai nota kô 75 uhtheipa a châ.

ÂTHAONA 12:5

Abarâ cha a lapinô Sârai, a nawhta sawchapawpa Lawta, a hneipa zydua nata Harânâ khih liata chyhsa a hneipa zydua a chhi ta, Kâna râh pangaipa ta sie ei ta. Kâna râh ama tlô nahta,

ÂTHAONA 14:12

Sawdawmâ khih liata a pahrâpa Abarâ unawhpa sawchapawpa Lawta chhao patu ei ta, a hneipa zydua chhaota siekhei ha ei ta.

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 24:10

Chakaotuhpa cha a zibeipa râraoseihpa pô hrawh a chhipa ta a thao ta. A zibeipa hmo phapa chi to phaoh ta, thyu ta Mesôpôtamia râh liata Nâhaw khih lâ sie ta.

ÂTHAONA 24:15

A thlahchhâpa a patlô hlâta, Rebekâ cha tibeih a ngiatlâh liata khaihpa ta vaw pua ta. Ano cha Abarahâ unawhpa Nâhaw lapinô Milkâ sawchapawpa Bethua sawchanônô a châ.

ÂTHAONA 27:43

Chavâta ei sawchapawpa y, ei bie nathlie mah y. Thyu la, Harânâ liata ei rilâhpa Lâbâ lâ a râ la,

ÂTHAONA 28:10

Zakaw cha Besebâ tawhta pua ta, Harânâ pangaipa ta sie ta.

2 ABEIZY 19:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

NEHEMIAH 9:7

“Nâ cha Zehôvâh Khazohpa châ chi ta, Abarâ a tlyhtuhpa na châ. Ano cha Kaldia râh Ur khihpi tawhta a chhi papuatuhpa nata Abarahâ tahpa ta a moh a bituhpa na châ.

ZAWBÂ 1:17

Bie a rei hai nota, chyhsa hropa vaw tlô heih ta, Zawbâ hnohta, “Kaldia mo ta py thôh lâta a pachhaih ei ta, râraoseihpazy patupa ta siekhei ei ta, chakaotuhpazy cha zaozi ta ama thie haw. Kei deita he thâtih cha chho awpa ta a vaw râpa ei châ,” tah ta.

ISAI 37:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

HEBRAI 11:8

Ngiapâna ta Abarahâ cha a ryuto râh lâ sie awpa ta awna zyh ta, khataih lâ ma a sie aw tahpa a pahno leipa chhao ta, a sie lymâ.