ÂTHAONA 10:10 - Mara Bible RV (BSI)

¹⁰ Ano râh athaona cha Sinâ râh liata Babylaw, Ere, Akadâ nata Kalne khihzy ama châ.

ÂTHAONA 10:10 ပူးပေါင်းရင်းမြစ်များ

ÂTHAONA 10:9

Abeipa hmiakô liata sakathaipa mohpathâhpa châ ta, chavâta “Abeipa hmiakô liata sakathaipa mohpathâhpa Nimraw hawhta,” tahpa ta rei tyhpa a châ.

ÂTHAONA 11:2

Chyhsazy cha nochhi lâ pangaipa ta sie ei ta, Sinâ râh liata bypi hmô ei ta, cha liata pahrâ ei ta.

ÂTHAONA 11:9

Abeipa ta cha liata khizaw zydua reih a panano khai hapa vâta, cha khihpi moh cha Babylaw bipa a châ. Chatanachata Abeipa ta âmo cha, cha su tawhta alei chô zydua liata a papai khai ha ei.

ÂTHAONA 14:1

Sinâ bei Amrâphe, Elâsâ bei Ariôka, Elâmi bei Kedaolaome nata Kôimâ bei Tidâ zy amâ beina daihti liata,

ISAI 10:9

Kânô khihpi kha Kâkhemi khihpi hawhta châ vei ma? Hâmathi khihpi kha Apâ khihpi hawhta châ vei ma? Samâri khihpi chhao kha Dâmaskâ khihpi hawhta châ vei ma?

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 39:1

Cha daihti liata, Bâladâ sawchapawpa Babylaw bei Merôdâ Bâladâ ta Hezekia tlâhleipa thâtih vaw thei ta. Hezekia lâta vyuhtuapazy tuah ta, châ nata kuhria zy paphao ta.

ZEREMIAH 21:2

“Babylaw bei Nebukaneza ta miah â dyuh ha hih. Abeipa miah a saohiahpa teh. Hmo noâhpa a tao tyhpa Abeipa ta miah bao aw ta, Nebukaneza he a pakuasa thlah ha ngyu aw lah,” tahpa ta a pachhosa no ei ta Zeremiah hnohta Abeipa bie a vaw tlôpa a châ.

ZEREMIAH 50:1

He he Babylaw khihpi nata Kaldia râh kyh liata, Abeipa ta hrohsopa Zeremiah hmâpa ta a reipa bie a châ:

ZEREMIAH 50:21

“Merâthai râh siehnao u la, Pekô mo siehnao teh u. Âmo cha thiepa ta tlokhuh pahleipadia u la, Bie ei cha piepa zydua ei kha tao khai teh u,” Abeipa ta a tah.

EZEKIA 27:23

Harânâ, Kâne nata Idâh mozy ta châ daoh ei ta, Sebâ, Asuria nata Khimâ sôhpaliepazy ta ama châ daoh.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

AMÔSÂ 6:2

Kalne lâ sie u la, moh tua u, Cha tawhna chata Hâmathi laipa lâ sie u la, Philistinâ râh liata Kâthâ lâta zu tua u. Cha râhzy hlâta nama pha via ma? Nâmo râh hlâta âmo râh a lai via ma?

MIKÂ 4:10

Hy Zaio sawchanô y, Chanô sawzeihpa hawhta, A taikalô la a rôh teh; Khihpi tawhta pua aw chi ta, Lyurâhpa liata na pahrâ aw; Babylaw lâ sie aw chi ta, Cha liata pachhapa na châ aw; Cha liata na chariahpazy ku tawhta Abeipa ta a cha chatlai aw.

MIKÂ 5:6

Asuria cha zaozi ta parao aw ei ta, Nimraw râh cha â ngiana liata ama parao aw. Asuria cha eima râh lâ a vy sala, Eima râh chhôh liata a phei a vaw tly tita, Ano ta miah a pachha aw.

ZEKARIA 5:11

Ano ta, “Babylaw râh lâ ama siekhei aw. Cha liata ano châta achhyna o sapa aw ei ta, patlôpa a châ tita, hrâbyh he â tyu nawpa su liata sopa a châ aw,” tah ta.