ÂTHAONA 1:9 - Mara Bible RV (BSI)

⁹ Khazohpa ta, “Avâ ry liata tizy he su kha liata a pahmaoh sala, liahpahlô a lâ mawh sy” tah ta. Cha hawhna chata vaw châ ta.

ÂTHAONA 1:9 ပူးပေါင်းရင်းမြစ်များ

ÂTHAONA 1:8

Khazohpa ta aruapa cha “avâ” bi ta, zâlâ y ta, my y ta, cha cha a noh nona a châ.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

ZAWBÂ 26:10

Tizy chô liata râhri haih ta, Khaihna nata zohna likawh râhri a tao.

ZAWBÂ 26:7

Maw lâta avâ pakaisa ta, Aruapa liata alei a pahaisa.

HLAZY 104:3

Tizy chô liata na chhôhpadâhpa khâpiazy pakhâh chi ta, Meihdozy khi na talailih ta taopa ta, Thlih mathlawzy chô liata na kiah tyh.

HLAZY 33:7

Tilaipi tizy su kha ta pahmaoh ta, Ti athupazy cha hmosopakhyna suzy liata a sohpakhy.

HLAZY 95:5

Ano taopa a châpa vâta, Tilaipi chhao ano eih châ ta; Alei hipa chhao, A ku ta a taopa a châ.

BIECHHOTUHPA 1:7

Chavah zydua tilaipi liata tla ei ta, Châhrasala tilaipi cha bie beih vei; Chavahzy cha ama lona tyhpa lâta, Ama loh chanei lymâ.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

2 PITY 3:5

Avâzy he Khazohpa bie ta hlâno tawhta a ypa a châzie nata alei chhao ti tawhta nata ti hry liata a vaw ypa a châzie pahno lei a pachâ raruah ei ta,

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.