ÂTHAONA 1:6 - Mara Bible RV (BSI)

⁶ Chatawhcha Khazohpa ta, “Tizy likawh liata aruapa y sala, cha chata ti nata tizy pachhaih mawh sy” tah ta.

ÂTHAONA 1:6 ပူးပေါင်းရင်းမြစ်များ

ÂTHAONA 1:14

Khazohpa ta, “Chhô nata zâ pachhaih nawpa ta, avâ ruapa liata khaihpazy vaw y sala, chazy cha ngianazy, daihtizy, nohzy, kôzy pahno nawpa châ ei sala,

ÂTHAONA 1:20

Khazohpa ta, “Tizy liata hmohrohneipa to pahrâ ei sala, alei chô lâ avâ ruapa liata pavawzy a zaw mawh ei sy” tah ta.

ZAWBÂ 26:13

A hu ta avâ pathaisa ta, A ku ta pari a râpa a viehpahlie.

ZAWBÂ 37:11

Meihdo chhapa cha ti ta pahnasa ta, Meihdozy ta Khazohpa dôhla cha ama hiepatla tyh.

ZAWBÂ 37:18

Thua daipa thlalâ hawhta a châ karôpa avâ khi Ano hawhta na parai thei aw ma?

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 148:4

Avâ a sâh chaipazy saih u, Ano cha reithai u la; Avâ chô liata ti a ypazy saih u, Ano cha reithai teh u!

HLAZY 150:1

Abeipa cha reithai teh u! Khazohpa cha a supathaihpa liata reithai u la, A vâ thokhyzy liana khi ta reithai teh u!

HLAZY 19:1

Avâzy khita Khazohpa rônahna phuah ei ta, Vâruapa khita a kuzôthaina a palâsa.

HLAZY 19:2

Noh chareih ta bie reih ei ta, Zâ chareih ta pahnona ama phuah.

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 33:9

Bie reih ta, A reipa hawhta vaw y ta; Bie pie ta, A biepiepa cha â ipa ta â duah.

BIECHHOTUHPA 11:3

Meihdo cha vâsua ta a bie khiahta cha, Alei chô liata a za patlai tyh. Tho cha chho lâ tlyma, maw lâ tlyma a pao khiahta cha, A paona su liata â zawh tyh.

ISAI 40:22

Ano cha alei vâphuh pahlôpa chô liata a tyuhpa châ ta, A mohmô liata cha, Lei liata a pahrâpazy cha khawsu hawh deita ama châ. Ano cha avâ khi pohraipa hawhta a pakaituhpa châ ta, Pahrâ nawpa poh o hawhta a paraituhpa a châ.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 51:15

“A hmotaotheina ta alei tao ta, A sona ta khizaw padua ta, A novâhna ta avâ a parai.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

2 PITY 3:5

Avâzy he Khazohpa bie ta hlâno tawhta a ypa a châzie nata alei chhao ti tawhta nata ti hry liata a vaw ypa a châzie pahno lei a pachâ raruah ei ta,