ÂTHAONA 1:31 - Mara Bible RV (BSI)

³¹ Khazohpa ta a hmotaopa zydua cha moh ta, a pha tah ngaita ta. Chatanachata zâlâ y ta, my y ta, cha cha a noh charuna a châ.

ÂTHAONA 1:31 ပူးပေါင်းရင်းမြစ်များ

ÂTHAONA 1:13

Zâlâ y ta, my y ta, cha cha a noh thôhna a châ.

ÂTHAONA 1:19

Khazohpa ta cha cha moh ta a pha tah kaw ta, zâlâ y ta, my y ta, cha cha a noh palihna a châ.

ÂTHAONA 1:23

Zâlâ y ta, my y ta, cha cha a noh pangawhna a châ.

ÂTHAONA 1:5

Khazohpa ta khaihna cha “chhô” bi ta, zohna cha “zâ” a bi. Zâlâ y ta, my y ta, cha cha a noh khana a châ.

ÂTHAONA 1:8

Khazohpa ta aruapa cha “avâ” bi ta, zâlâ y ta, my y ta, cha cha a noh nona a châ.

ÂTHAONA 2:2

A noh sarina noh ta Khazohpa ta a hmotaopa zydua pangoh ta, a noh sarina noh liata a raihria zydua tawhta a pahâ ta.

ÂTHAONA 2:3

Chavâta Khazohpa ta noh sarina noh cha, a paysapa nata a hmotaopa zydua patlô ta â pahâna noh a châpa vâta, byhnâ pie ta, a pathaisa.

ZAWBÂ 38:7

Deiva awhsizy hla sapakhy ei ta, Khazoh sawzy a lypa ta ama aw no kha?

HLAZY 104:24

Hy Abeipa, na hmotaopazy a hluh kaw dia! So kawpa ta na taopa sai châ ei ta, Leilô he na hmotaopazy ta a bie.

HLAZY 104:28

Âmo cha nie awpa pie chi ta, A huah ei ta; Na ku pakai chi ta, Hmo phapazy ta ama lôhrâ na patlô tyh.

HLAZY 104:31

Abeipa rônahna cha tlyzaw ta y sala, Abeipa cha a hmotaopazy liata a ly mawh sy.

HLAZY 119:68

Nâ cha Khazoh phapa nata hmo pha a taopa châ chi ta, Na bieraopazy na pachu mah y.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

PUASAINA 31:17

Noh charu chhôh Abeipa ta avâ nata alei tao ta, a noh sarina noh cha a pahâpa ta a hu â pahnopa vâta, Pahânoh cha kei nata Izarei sawzy azaona ngiana a châ zôzaw aw,’ tah mah y,” tah ta.

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

BIECHHOTUHPA 3:11

Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

CHAPHÔHTUNA 3:38

Hmo phapa chhao hmo chhiepa chhao, Chônôchaipa pakah tawhta a puapa châ vei ma?

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

1 TIMAWTHY 4:4

Khazohpa hmotaopa to cha pha ta, alyna bie reina chôta daopa a châ khiahta cha, khâpa hmah dytha awpa châ vei.

1 TIMAWTHY 4:5

Khazohpa bie nata thlahchhâna ta pathaisa hapa a châ.