ÂTHAONA 1:3 - Mara Bible RV (BSI)

³ Khazohpa ta, “Khaihna y mawh sy,” tah ta, khaihna vaw y ta.

ÂTHAONA 1:3 ပူးပေါင်းရင်းမြစ်များ

ÂTHAONA 2:4

He he Zehôvâh Khazohpa ta alei nata avâ a paysa nota alei nata avâ a taona thâtih a châ.

ZAWBÂ 36:30

Pachâ teh, a chheipâh liata a dôhla hiepatla ta, Tilaipi chaozy a vao khai haw.

ZAWBÂ 38:19

“Khaihna pahrâna su lâ siena lâpi khataih liata y ta, Zohna su cha khataih liata a y?

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 118:27

Abeipa cha Khazohpa châ ta, Eima chô liata a khaihna a pakhaihsa haw. Atheihna sahroh cha chaori ta hraih u la, Maisâh kizy liata hraih teh u!

HLAZY 148:5

Ano ta biepie ta paysapa ama châpa vâta, Chazy chata Abeipa moh cha reithai mawh ei sy!

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 33:9

Bie reih ta, A reipa hawhta vaw y ta; Bie pie ta, A biepiepa cha â ipa ta â duah.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

MATHAI 8:3

Zisu ta a ku ta kei paza ta, phawhpa cha hria ta, a hnohta, “Ei khoh na, pathaih mah y,” tah ta. Phawhpa cha thlai pathaih ha ta.

ZAWHÂNA 1:5

Khaihna cha zohna liata vaw khaih ta, zohna ta khaihna cha pahnie vei.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 11:43

Cha biezy cha a rei khai nahta, ao paro ngaitapa ta awh ta, “Lâzarâh, vaw pua teh,” tah ta.

ZAWHÂNA 3:19

He he thailei pachâsana cha a châ: Khaihpa khizaw lâ a zu ta, châhrasala chyhsazy ta khaihpa hlâta zohna ama khoh via, ama hmotaopazy a moleipa vâta.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

1 ZAWHÂNA 1:5

He he ano tawhta bietapa eima theipa nata nama hnohta eima phuahpa cha a châ: Khazohpa cha khaihna châ ta, ano liata zohna rai y vei.

1 ZAWHÂNA 2:8

Kao kha lâ tawhta la, biepie thiehpa nâmo lâ a vaw rohpa ei châna kao a y. Cha cha ano liata nata nâmo liata â do, zohna cha lei hai ta, khaihna hmeiseihpa a vaw khaih hapa vâta.