ÂTHAONA 1:28 - Mara Bible RV (BSI)

²⁸ Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 1:28 ပူးပေါင်းရင်းမြစ်များ

ÂTHAONA 1:22

Khazohpa ta âmo cha, “Chi hluhpi pathlapa ta pôh u la, tilaipi pabie muh vy. Pavawzy chhao alei liata pôh mawh ei sy,” tahpa ta byhnâ awpa ta.

ÂTHAONA 17:16

Byhnâ pie aw na ta, ano chô liata sawchapaw ei cha pie aw. Byhnâ pie aw na ta, phopizy pathlatuhnô châ aw ta, phopi beizy ano tawhta ama pua aw,” tah ta.

ÂTHAONA 17:20

Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw.

ÂTHAONA 24:60

Rebekâ cha byhnâ awpa ei ta, a hnohta, “Eima sietanô y, Thysâh hluhpi nô vaw châ la; Na pathlazy ta âmo a haotuhpazy Thokhy chhikao hnei mawh ei sy!” tah ei ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 33:5

Esaw cha kaw ua ta, chanôzy nata hawtizy hmô ta, “Na hnohta a ypazy he ahyzy ma ama châ?” tah ta. Zakaw ta, “Khazohpa ta a ngiachhiena vâta châ chakaotuhpa hnohta a piepa hawtizy ama châ,” tah ta.

ÂTHAONA 49:25

Châ bao awpa na paw Khazohpa vâta, Byhnâ châ pie awpa Atotaotheipa vâta, Chô lâ vâ byhnâzy to aw chi ta, A ry lâta ti athupa byhnâzy topa ta, Sâhpi nata chhi byhnâzy na to aw.

ÂTHAONA 5:2

chapaw nata chanô ta a tao ei. Taopa ama châ nona khata, âmo cha byhnâ awpa ta, chyhsapa tahpa ta moh a bi ei.

ÂTHAONA 6:1

Chyhsapa cha alei chô liata vaw pôh lymâ ei ta, sawchanôzy ama sa nahta,

ÂTHAONA 8:17

Na hnohta a ypa hmohrohneipa zydua, hrona a hneipa maih, pavawzy, sazy nata alyhpasa chi to alei chô liata bie ei sala, chi pathlapa ta, alei chô liata ama pôh thei nawpa ta, na hnohta puakhei khai mah y,” tah ta.

ÂTHAONA 9:1

Khazohpa ta Nôah nata a sawchapawzy cha byhnâ awpa ta, ama hnohta, “Chi pathlapa ta pôh u la, alei he bie teh u.

ÂTHAONA 9:7

“Nâmo deikua cha, chi pathlapa ta pôh u la, alei chô liata thata pôh u la, pôh lymâ muh vy,” tah ta.

1 THÂTIHZYRONA 26:5

pacharuna Amie, pasarina Iskâra nata pachariena Pulethai zy ama châ.

1 THÂTIHZYRONA 4:10

Zabia ta Izarei Khazohpa pado ta, a hnohta, “Byhnâ na piepa ta, ei râh he na pakawhpa la ei tah kaw dia! Ei chô liata na ku y sala, riethei pasana ei chô liata a tlô lei nawpa ta, nâ pasasa thei awpa tawhta na pabohsa mah y!” tah ta. Khazohpa ta a hiapa cha pie ta.

ZAWBÂ 39:11

A thatlô ngaitapa vâta ano liata a pahniehpa ta, Na raihria awpa ano na thy thlu khai aw ma?

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.

HLAZY 115:16

Avâzy khi Abeipa vârâh châ ei ta, Alei deikua he chyhsa sawzy a pie ei.

HLAZY 69:34

Avâ nata alei ta ano cha reithai sala, Tilaipizy nata a chhôh liata a pie theipa zydua ta, Ano cha reithai mawh ei sy.

HLAZY 8:6

Na ku hmotaopazy chô liata biehneina piepa ta, A phei ry liata hmo to soh chi ta,

HLAZY 8:7

Mietaku nata viahchao zydua, Râhsa zydua chhao,

ISAI 45:18

Abeipa cha avâzy a paysatuhpa châ ta, Ano deita cha Khazohpa a châ. Alei he yzie hneipa ta taopa ta pa-i ta, Aruapa ta paysa leipa ta, Pahrâ nawpa ta a padua. Cha Abeipa chata hetana heta a tah: “Kei he Abeipa châ na ta, Abeipa hropa y veih ei.

THEIHTHAINA 26:9

Nâmo lâ a vaw heih aw na ta, chi hluhpi cha pathlasapa ta, cha papôh aw ei na ta, nama hnohta ei biehrai ei pa-i aw.

1 TIMAWTHY 4:3

Nôvah ahneina pakhâ ei ta, biehmeiseihpa pahnotuhpa nata ngiapâtuhpazy ta alyna bie reina chôta nie awpa Khazohpa ta a taopa niedozy nie lei awpa ta bie ama pie.