ÂTHAONA 1:27 - Mara Bible RV (BSI)

²⁷ Khazohpa ta ano kakuapa ta chyhsapa tao ta, Khazohpa kakuapa tlai ta ano cha tao ta; Chapaw nata chanô ta a tao ei.

ÂTHAONA 1:27 ပူးပေါင်းရင်းမြစ်များ

ÂTHAONA 2:18

Zehôvâh Khazohpa ta, “Chapaw ano dei ta a ypa he pha vei, ano baotuhpa â khypa ei taopa aw,” tah ta.

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

HLAZY 139:14

Chichhihpa ta taopa châ na ta, Noâchhihpa ta taopa ei châpa vâta, Ei cha reithai. Na hmotaopazy cha noâh a chhih ngaita ei ta, Cha cha ei hro ta a pahno pasia.

BIECHHOTUHPA 7:29

He he ei hmô chhôhpa cha a châ: Khazohpa ta chyhsapa he chyhsa dopa châ awpa ta tao ta, châhrasala hmo chhiepa to ama patuapalua tyh.

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ZEREMIAH 29:6

Lapinôzy hnei u la, sawchapawzy nata sawchanôzy sa teh u. Nama sawchapawzy châta lapinôzy hiah u la, nama sawchanôzy vahpa pahneisa u la, sawchapaw sawchanô zy sa ei sala, pôh u la, maluh a sy khuh vy.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

MATHAI 19:4

Zisu ta a chhy ta, “Âthaona liata âmo taotuhpa khata, chapaw nata chanô ta âmo cha tao ta,

MÂKA 10:6

Châhrasala leilô tao tua no tawhta, ‘Khazohpa ta âmo cha chapaw nata chanô ta a tao ei.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 4:24

siana nata pathaihna hmeiseihpa liata Khazohpa lyupa ta taopa chyhsa thiehpa ta a tobi teh u.

RYHPACHANEINA 4:32

“Nama y hlâta hlâno daihtizy kha hiahri u la, avâ chhâna hiakha lâ tawhta hiakha lâ chhâna taih hiahri tua u. Khazohpa ta alei chô liata chyhsapa a tao noh tawhta, he hawhpa hmo rônahpa he a y beih ma, theipa a châ beih ma?

KAOLAOSÂ 1:15

Krista cha hmô thei leipa Khazohpa a lyupa, hmotaopa zydua hry liata a pih tua chaipa a châ.

KAOLAOSÂ 1:26

Cha Khazohpa bie cha, kô hluhpi nata chhâ hluhpi nyu hapa bienyupa châ ta, tahmâ deikua cha a mopathaihpazy hnohta phualuahpa ta a y.

KAOLAOSÂ 3:10

Chyhsa thiehpa ta a tobi ha ei chi ta, cha chyhsa thiehpa cha pahnona hnei awpa ta, ano taotuhpa lyupa ta tao pathipa ta a y lymâ.

RYUREITUHPAZY 21:22

Ama pawzy tlyma, ama rilâhpazy tlyma ta keimo lâ a vypa ta ama vaw paphôh khiahta cha, ama hnohta, ‘Zawh miah a ngiah u la, âmo he pasai teh u, adyuhna liata ama zydua châta lapinô patupa khai thei leipa pi ta, nâmo hra ta lapinô pie thei tlôh leipa ei chi ta, chavâta thailei nama châ tlamaw aw,’ tahpa ta eima chho aw,” tah ei ta.