ÂTHAONA 1:22 - Mara Bible RV (BSI)

²² Khazohpa ta âmo cha, “Chi hluhpi pathlapa ta pôh u la, tilaipi pabie muh vy. Pavawzy chhao alei liata pôh mawh ei sy,” tahpa ta byhnâ awpa ta.

ÂTHAONA 1:22 ပူးပေါင်းရင်းမြစ်များ

ÂTHAONA 1:21

Khazohpa ta tilaipi liata a pahrâpa hmohrohneipa lai ngaitapazy nata ti liata a pahrâpa hmohrohneipa chi to, âmo chi yzie lymâ hawhta tao ta. Mathlaw hneipa pavaw chi to chhao âmo chi yzie lymâ hawhta a tao hra. Khazohpa ta cha cha moh ta a pha tah kaw ta.

ÂTHAONA 1:23

Zâlâ y ta, my y ta, cha cha a noh pangawhna a châ.

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 30:27

Lâbâ ta a hnohta, “Na modypa ei châ khiahta cha, ngiachhiepa ta y chy mah y. Nâma zawhzi ta Abeipa ta byhnâ eina pie tahpa aluahna ta ei hmô haw,” tah ta.

ÂTHAONA 30:30

Ei vaw tlô no kha a chyhta dei hnei chi ta, tahmâ cha a hluhpi ama vaw châ ha hih. Ei siena lâ maihta Abeipa ta byhnâ a cha pie lymâ. Khatita ma ei chhôhkha châta ei patohpatia thei hra aw?” tah ta.

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 8:17

Na hnohta a ypa hmohrohneipa zydua, hrona a hneipa maih, pavawzy, sazy nata alyhpasa chi to alei chô liata bie ei sala, chi pathlapa ta, alei chô liata ama pôh thei nawpa ta, na hnohta puakhei khai mah y,” tah ta.

ÂTHAONA 9:1

Khazohpa ta Nôah nata a sawchapawzy cha byhnâ awpa ta, ama hnohta, “Chi pathlapa ta pôh u la, alei he bie teh u.

ZAWBÂ 40:15

“Behemô he pachâ tua, Nâma ei cha taopa hawhta ei taopa châ ta, Viahchao tôhpa hawhta sibiepa tlâ a bâ hra hih.

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

HLAZY 107:31

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.

HLAZY 128:3

Na lapinô cha kre zôh a pathei pha kawpa hawhta, Na o liata y aw ta; Na sawzy chhao ôli dawzy hawhta, Na tlâhkhai ama chadô aw.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

THEIHTHAINA 26:9

Nâmo lâ a vaw heih aw na ta, chi hluhpi cha pathlasapa ta, cha papôh aw ei na ta, nama hnohta ei biehrai ei pa-i aw.