ÂTHAONA 1:21 - Mara Bible RV (BSI)

²¹ Khazohpa ta tilaipi liata a pahrâpa hmohrohneipa lai ngaitapazy nata ti liata a pahrâpa hmohrohneipa chi to, âmo chi yzie lymâ hawhta tao ta. Mathlaw hneipa pavaw chi to chhao âmo chi yzie lymâ hawhta a tao hra. Khazohpa ta cha cha moh ta a pha tah kaw ta.

ÂTHAONA 1:21 ပူးပေါင်းရင်းမြစ်များ

ÂTHAONA 1:18

chhô nata zâ chô liata ryureih awpa nata khaihna nata zohna pachhaih nawpa ta, avâ ruapa liata ta soh ta.

ÂTHAONA 1:20

Khazohpa ta, “Tizy liata hmohrohneipa to pahrâ ei sala, alei chô lâ avâ ruapa liata pavawzy a zaw mawh ei sy” tah ta.

ÂTHAONA 1:22

Khazohpa ta âmo cha, “Chi hluhpi pathlapa ta pôh u la, tilaipi pabie muh vy. Pavawzy chhao alei liata pôh mawh ei sy,” tahpa ta byhnâ awpa ta.

ÂTHAONA 1:25

Khazohpa ta râhsazy, osazy nata âlyhpasazy cha âmo chi yzie lymâ hawhta a tao ei. Khazohpa ta cha cha moh ta a pha tah kaw ta.

ÂTHAONA 1:31

Khazohpa ta a hmotaopa zydua cha moh ta, a pha tah ngaita ta. Chatanachata zâlâ y ta, my y ta, cha cha a noh charuna a châ.

ÂTHAONA 2:19

Zehôvâh Khazohpa ta chhaohlei hmâpa ta râhsa chi to nata avâ pavaw chi to tao ta, ama moh bi awpa ta Âdâh lâ a chhi ta, hmohrohneipa to cha Âdâh ta moh a bizie lymâ hawhta ama moh a vaw châ haw.

ÂTHAONA 6:20

Pavaw chi to, sa chi to nata alyhpasa chi to, bao no chyu ta na hnohta a vy aw ei ta, balyh chhôh liata na pahro hra aw ei.

ÂTHAONA 7:14

Ama hnohta râhsa chi to, osa chi to, alei liata alyhpasa chi to, pavaw chi to, mathlaw hneipa chi to balyh lâ a ngia hra ei ta.

ÂTHAONA 8:17

Na hnohta a ypa hmohrohneipa zydua, hrona a hneipa maih, pavawzy, sazy nata alyhpasa chi to alei chô liata bie ei sala, chi pathlapa ta, alei chô liata ama pôh thei nawpa ta, na hnohta puakhei khai mah y,” tah ta.

ÂTHAONA 8:19

Sa to, alyhpasa to, pavaw chi to nata alei chô liata â pielyu theipa maih, a chi chi ta balyh tawhta pua lymâ ei ta.

ÂTHAONA 9:2

Sa to, avâ liata pavaw to, alyhpasa to nata tilaipi nga to chô liata nâmo china nata ngiarohna y aw ta, âmo cha nama ku liata piepa a châ haw.

ÂTHAONA 9:7

“Nâmo deikua cha, chi pathlapa ta pôh u la, alei chô liata thata pôh u la, pôh lymâ muh vy,” tah ta.

ZAWBÂ 12:7

“Râhsazy hiahri tua, Ama cha pachu aw; Vâ pavawzy hiahri tua, Ama cha chho aw;

ZAWBÂ 26:5

Athipazy a chalyu ei ta, Tizy ry liata a pahrâpazy amâ chalyu.

ZAWBÂ 7:12

Tilaipi ma châ na ta, Tilaipi nga laipa ma châ na ta, Nâ vaituhpa na so tly?

HLAZY 148:7

Alei tawhta Abeipa cha reithai u la, Tilaipi hmohrohneipa lai ngaitapazy nata ti athupa zydua saih u, Abeipa cha reithai teh u.

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

PUASAINA 8:3

Nile chavah cha uphawh ta bie aw ta, uphawhzy cha kaw pua aw ei ta, na o chhôh liata zy, nâ ziana chhôhpadâhpa liata zy, na rakhô chô liata zy, châ chakaotuhpazy nata na zawpi o chhôh liata zy, na lômathu nata na viahchhâ neihna beikoh chhôh liata zy amâ ngia khai aw.

EZEKIA 32:2

“Chyhsa sawchapawpa y, Izi bei Phiraoh châta chaphôhtuna hla phi la, a hnohta hetana heta reih teh: “Phopizy hry liata Chakeibarôhneipa ta a pachâ chi ta, Châhrasala tilaipizy liata drâkao tlao na lyu; Na chavahzy chatlaosapa ta a pasiepasâ chi ta, Na pheizy ta tizy chahriapa ta, Ama chavahzy na panôsa tyh.

ZAWNA 1:17

Chatawhcha Abeipa ta Zawna palâ awpa ta nga laipa rao ta. Zawna cha nga py chhôh liata noh thôh nata zâ thôh y ta.

ZAWNA 2:10

Chatawhcha Abeipa ta nga cha biepie ta, nga ta Zawna cha ngiahkâ lâ vaw pali ha ta.

MATHAI 12:40

Zawna ta nga laipa py chhôh liata noh thôh nata zâ thôh a ypa hawhta, Chyhsa Sawchapawpa chhao alei chhôh liata noh thôh nata zâ thôh a y aw.