ÂTHAONA 1:20 - Mara Bible RV (BSI)

²⁰ Khazohpa ta, “Tizy liata hmohrohneipa to pahrâ ei sala, alei chô lâ avâ ruapa liata pavawzy a zaw mawh ei sy” tah ta.

ÂTHAONA 1:20 ပူးပေါင်းရင်းမြစ်များ

ÂTHAONA 1:14

Khazohpa ta, “Chhô nata zâ pachhaih nawpa ta, avâ ruapa liata khaihpazy vaw y sala, chazy cha ngianazy, daihtizy, nohzy, kôzy pahno nawpa châ ei sala,

ÂTHAONA 1:19

Khazohpa ta cha cha moh ta a pha tah kaw ta, zâlâ y ta, my y ta, cha cha a noh palihna a châ.

ÂTHAONA 1:21

Khazohpa ta tilaipi liata a pahrâpa hmohrohneipa lai ngaitapazy nata ti liata a pahrâpa hmohrohneipa chi to, âmo chi yzie lymâ hawhta tao ta. Mathlaw hneipa pavaw chi to chhao âmo chi yzie lymâ hawhta a tao hra. Khazohpa ta cha cha moh ta a pha tah kaw ta.

ÂTHAONA 1:22

Khazohpa ta âmo cha, “Chi hluhpi pathlapa ta pôh u la, tilaipi pabie muh vy. Pavawzy chhao alei liata pôh mawh ei sy,” tahpa ta byhnâ awpa ta.

ÂTHAONA 1:30

Alei liata sa to, avâ pavaw to, alei liata alyhpasa to, husona a hneipa to châta chhao, ama nie awpa sibie hrohpa to ei pie ei,” tah ta. Cha hawhna chata vaw châ ta.

ÂTHAONA 1:7

Khazohpa ta aruapa cha tao ta, aruapa ry lâta ti a ypazy nata aruapa chô lâta ti a ypazy cha pachhaih ta, cha hawhna chata vaw châ ha ta.

ÂTHAONA 2:19

Zehôvâh Khazohpa ta chhaohlei hmâpa ta râhsa chi to nata avâ pavaw chi to tao ta, ama moh bi awpa ta Âdâh lâ a chhi ta, hmohrohneipa to cha Âdâh ta moh a bizie lymâ hawhta ama moh a vaw châ haw.

ÂTHAONA 7:21

Alei chô liata husona a hneipa to zydua thi khai ei ta, pavawzy, sahrohzy, râhsazy, alei chô liata hmotaopa to nata chyhsa zydua chhao ama thi khai haw.

ÂTHAONA 8:17

Na hnohta a ypa hmohrohneipa zydua, hrona a hneipa maih, pavawzy, sazy nata alyhpasa chi to alei chô liata bie ei sala, chi pathlapa ta, alei chô liata ama pôh thei nawpa ta, na hnohta puakhei khai mah y,” tah ta.

1 ABEIZY 4:33

Tho thâtih zy reih ta, Lebanaw liata sidy tho tawhta pâhchhô liata a pyuhpa hisaw thâtih taihta a reihpa a châ. Râhsa thâtih, pavaw thâtih, alyhpasa thâtih nata nga thâtih zy chhao a reih theipa a châ.

ZAWBÂ 12:9

Chazy hry liata ahy ma, Cha hmo cha Abeipa ku ta taopa a châzie Pahno leipa ta a y tly?

HLAZY 148:10

Râhsazy nata osazy saih u, Abeipa cha reithai u la; Âlyhpa sazy nata azawpa pavawzy saih u, Abeipa cha reithai teh u.

BIECHHOTUHPA 2:21

Chyhsa ta sona nata novâhna nata zôthaina zy hmâpa ta hriapasa ta, a châh ta cha, a hriapasa leipa to awpa ta siesai awpa a châ thlâh ha tyh. Cha chhao cha hraoleipa nata paraona lai ngaitapa a châ.

THEIHTHAINA 11:42

A py ta a lyhpa chi tlyma, phei palih ta a siepa chi tlyma, phei hluhpi a hneipa chi tlyma, alei chô liata a lyhpa chi zydua cha pasichhihpa châ ei ta, nama nie awpa châ vei.

THEIHTHAINA 11:43

Alyhpasa vâta nâmosasyh pasichhihpa ta namâ tao awpa châ leipa ta, âmo vâta nâmosasyh a papuapaleipa ta, pathaih leipa ta nama y awpa châ vei.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.