ÂTHAONA 1:11 - Mara Bible RV (BSI)

¹¹ Khazohpa ta, “Alei ta sibiepazy, chi a hneipa chicheipazy, alei chô liata theilâpa kô âmo chi hawhta a patheipa, a theilâpa chhôh liata chi a ypazy papua mawh sy” tah ta. Cha hawhna chata vaw châ ta.

ÂTHAONA 1:11 ပူးပေါင်းရင်းမြစ်များ

ÂTHAONA 1:12

Alei ta sibiepazy, chicheipa âmo chi hawhta chi a hneipazy, tho âmo chi hawhta a patheipa, a theilâpa chhôh liata chi a ypazy cha papua ta. Khazohpa ta cha cha moh ta a pha tah kaw ta.

ÂTHAONA 1:29

Khazohpa ta, “Moh teh u, alei chô zydua liata chi a hneipa chicheipa to nata chi a hneipa theilâpa tho to ei cha pie ei, nama nie awpa châta a châ aw.

ÂTHAONA 2:16

Zehôvâh Khazohpa ta chyhsapa hnohta, “Sadô liata tho thei chi to he na nie thei khai,

ÂTHAONA 2:5

Zehôvâh Khazohpa ta alei chô liata avâ a pasuasa mâh leipa vâta nata lei a palie awpa chyhsa ama y mâh leipa vâta, lyurâhpa liata sibiepazy y mâh leipa ta, lyu liata chicheipazy pyuh mâh hra vei.

ÂTHAONA 2:9

Zehôvâh Khazohpa ta, mo la ngaitapa nata nie awpa phapa tho chi to chhaohlei tawhta papyusa ta. Sadô liah liata hrona tho y ta, chhie nata pha pahnona tho chhao a y.

ZAWBÂ 28:5

Alei ta a chô lâ nie awpa papua ta, A ry lâ deikua cha mei hawhta a châ.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 147:8

Ano ta avâzy khi meihdozy ta khu ta, Alei châta vâsua a chhuanohpa ta, Tlâhzy liata sibiepa a papyusa.

ISAI 61:11

Alei ta chizy papyusa ta, Sadô ta a chhôh liata chi tupazy a papyusapa hawhta, Abeipa Zehôvâh ta phopizy hmiakô liata Siana nata reithaina zy a papyusa aw.

ZEREMIAH 17:8

Ano cha ti kiah liata tho lopa hawhta châ ta, Chavah kiah liata thari a pazawhpa hawhta a châ; A hnazy khâ hroh ta, Noh lopa a vaw tlôpa chi vei; A thei patheipa a chalih leipa ta, Noh kâhna kô liata a pachâ rôh vei.”

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 6:30

Hy nâmo, ngiapâ chyhpa saih u, râh liata sibiepa tanoh hroh ta, mylâ mei liata thy thlâh ha awpa hmahta Khazohpa ta cha tlatlu ta a tobi khiahta cha, nâmo chhochhi cha, cha tobi via syulyu aw veih ei ma?

MÂKA 4:28

Alei ta palaiseihsa ta a patheisa tyh. A hmiatua ta a kô, cha khai tawhta a suh, cha khai tawhta a suh liata sâh a vaw y tyh.

1 KAWRINI 15:38

Châhrasala Khazohpa ta ano khozie lymâ hawhta a kô pie ta, chi nanopazy ta kô nanopa ama hnei chyu.

HEBRAI 6:7

Khihti a hmô phapa chhaohlei cha, raihriatuhpazy châta niedo papuapa ta, Khazohpa tawhta byhnâ a daopa a châ.

ZÂMIE 3:12

Unawh saih u, theiku kô liata ôli thei a pathei beih ma? Cha leipa chhao ta, kre zôh liata theiku a pathei thei ma? Cha hawhna chata ti iahpa khaoh ta ti pahâhpa papua thei hra vei.