ÂTHAONA 1:1 - Mara Bible RV (BSI)

¹ Âthaona liata Khazohpa ta alei nata avâ tao ta.

ÂTHAONA 1:1 ပူးပေါင်းရင်းမြစ်များ

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

1 THÂTIHZYRONA 16:26

Phopizy khazoh zydua cha nothlahpazy dei châ ei ta, Abeipa deikua cha avâzy a taotuhpa a châ.

2 THÂTIHZYRONA 2:11

Tyre bei Hirâ ta châpaphaopa ta Sawlawmaw cha a chhy ta, a hnohta, “Abeipa ta a phopi kyh a pachâ vâta, nâ cha ama chô liata bei ta y awpa ta a cha tao,” tah ta.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

ZAWBÂ 26:13

A hu ta avâ pathaisa ta, A ku ta pari a râpa a viehpahlie.

ZAWBÂ 38:4

“Leilô abôna ei bô no kha khataih liata na y? Na no â vâh khiahta la na chho tua.

ZAWBÂ 9:8

Ano deita avâzy parai thei ta, Tilaipi chatlaopazy a tlybai theipa a châ.

HLAZY 102:25

Leilô abôna he hlâno ta na vaw bô hapa châ ta, Avâzy khi na kuzô a châ.

HLAZY 104:24

Hy Abeipa, na hmotaopazy a hluh kaw dia! So kawpa ta na taopa sai châ ei ta, Leilô he na hmotaopazy ta a bie.

HLAZY 104:30

Na Thlahpa tuah chi ta, Âmo cha paysapa châ ei ta, Chhaohlei hmia na pathieh heih tyh.

HLAZY 115:15

Lei nata vâ taotuhpa Abeipa ta, Byhnâ cha pie mawh sy!

HLAZY 121:2

Nâ bao awpa cha Abeipa tawhta vaw tlô aw ta, Avâ nata alei taotuhpa tawhta a vaw tlô aw.

HLAZY 124:8

Keimo baona cha Abeipa moh liata y ta, Ano cha avâ nata alei taotuhpa a châ.

HLAZY 134:3

Abeipa ta Zaio tawhta byhnâ cha awpa ei sala, Avâ nata alei taotuhpa ta byhnâ cha pie mawh ei sy!

HLAZY 136:5

Novâhna ta avâzy a taotuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 33:6

Abeipa bie ta avâzy khi taopa châ ta, A pakah hu ta avâ liata a ypa zydua khi taopa a châ.

HLAZY 33:9

Bie reih ta, A reipa hawhta vaw y ta; Bie pie ta, A biepiepa cha â ipa ta â duah.

HLAZY 8:3

Na kuzô avâzy moh na ta, Ama su chyu liata na sopa thlâpâ nata awhsizy ei sai châh ta,

HLAZY 8:4

Chyhsapa he khâpa châ ta ma, Pachâ kaw chi ta; Chyhsa sawchapawpa he khâpa châ ta ma, Na mohôh tly?

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

HLAZY 96:5

Phopizy khazoh zydua cha nothlahpazy dei châ ei ta, Abeipa deikua cha avâzy a taotuhpa a châ.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

PUASAINA 31:18

Khazohpa ta Mawsi cha Sinai Tlâh liata bie â chho khai nahta, Khazohpa kudy ta ropa biehrai lôphia mianozy cha Mawsi hnohta pie ta.

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

BIESOZY 3:19

Abeipa ta sona ta alei he bô ta, Novâhna ta avâzy khi a padua.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

ISAI 37:16

“Hy Pheisaihzy Abeipa Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa cha na châ. Nâ ta alei nata avâ he na tao.

ISAI 40:21

Pahno beih veih ei chi ma? Thei beih veih ei chi ma? Âthaona tawhta cha chho ha veih ei ma? Leilô bô tua no tawhna khata nama novâh ha vei ma?

ISAI 40:26

Avâ lâ nama mo khaih u la moh tua u, Khizy khi ahy taopa ma a châ tly? Ano cha avâ liata a ypazy khi miakha miakha ta paysa ta, Ama moh chyu ta a awtuhpa a châ. A thatlôna rônahpa nata a hmotaotheina thatlôna vâta, Miakha hmah a ki leipa y veih ei.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:18

Abeipa cha avâzy a paysatuhpa châ ta, Ano deita cha Khazohpa a châ. Alei he yzie hneipa ta taopa ta pa-i ta, Aruapa ta paysa leipa ta, Pahrâ nawpa ta a padua. Cha Abeipa chata hetana heta a tah: “Kei he Abeipa châ na ta, Abeipa hropa y veih ei.

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

ISAI 51:16

Na pakah liata ei biezy soh na ta, Ei ku nohdi ta châ khutuhpa ei châ. Avâzy khi paraipa ta, Alei abônazy bô na ta, Zaio hnohta, ‘Ei phopi na châ,’ Châ tahtuhpa ei châ.”

ISAI 65:17

“Moh teh u, avâ thiehpa nata alei thiehpa tao na ta, Hmo parohpazy kha a thei thlâh hapa châ khao aw vei; Palôh liata chhao a ngia khao aw vei.

ZEREMIAH 10:12

A hmotaotheina ta alei tao ta, A sona ta khizaw padua ta, A novâhna ta avâ a parai.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 51:15

“A hmotaotheina ta alei tao ta, A sona ta khizaw padua ta, A novâhna ta avâ a parai.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

MÂKA 13:19

Cha nohzy cha riethei pasana noh châ aw ta, cha tlatlu ta rarôh ypa cha, Khazohpa taopa leilô y tua no tawhta tahmâ taihta y beih leipa ta, y heih khao aw vei.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

HMOTAOPAZY 17:24

Khizaw nata a chhôh liata hmo a ypa zydua a taotuhpa Khazohpa cha, alei nata avâ Beipa a châpa vâta, ku ta sapa achhyna ozy liata pahrâ vei.

HMOTAOPAZY 4:24

Cha bie cha ama thei nahta, ama zydua ta â raohpa ta ao paro ngaitapa ta Khazohpa lâ thlahchhâ ei ta, “Hy Beichaipa, nâ cha lei nata vâ nata a chhôh liata a ypa zydua taotuhpa na châ.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

HEBRAI 1:10

“Hy Abeipa, nâ cha Âthaona liata leilô abôna a bôtuhpa châ chi ta, Avâzy khi na kuzô a châ.

HEBRAI 1:2

he noh hnôhchaipazy lia deikua cha, a Sawchapawpa hmâpa ta eima hnohta bie a reih. A Sawchapawpa cha ato ryutotuhpa ta rao ta, ano hmâpa ta khizaw he a tao.

HEBRAI 11:3

Ngiapâna ta khizaw he Khazohpa bie ta taopa a châ tahpa pahno pi ta, chavâta hmo eima hmôpazy he hmô theipa hmozy tawhta taopa châ veih ei tahpa eima pahno.

HEBRAI 3:4

O to a satuhpa a hnei khaipa hawhta, ato zydua a taotuhpa cha Khazohpa a châ.

2 PITY 3:5

Avâzy he Khazohpa bie ta hlâno tawhta a ypa a châzie nata alei chhao ti tawhta nata ti hry liata a vaw ypa a châzie pahno lei a pachâ raruah ei ta,

1 ZAWHÂNA 1:1

Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.

BIEPHUAH 10:6

chhâzaw nata tlyzaw ta a hroh thlâhpa, avâ nata a chhôh liata a ypazy, alei nata a chhôh liata a ypazy, tilaipi nata a chhôh liata a ypazy a paysatuhpa moh reipa ta bie a taih ta, “Bohpi châ khao aw vei.

BIEPHUAH 14:7

Ano chata ao paro ngaitapa ta, “Khazohpa chi u la, ano cha palyupalih teh u, a pachiana daihti a vaw tlô haw. Avâ nata alei, tilaipi nata tihnawh a taotuhpa cha a chhy teh u,” tah ta.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:13

Kei he Alphâ nata Ômekâ, hmiatuapa nata hnôhchaipa, âthaona nata achhâna ei châ.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.

BIEPHUAH 4:11

“Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.