AMÔSÂ 9:8 - Mara Bible RV (BSI)

⁸ Pachâ teh u, Abeipa Zehôvâh mo cha, Khinarâh moleipa chô liata tawpâ ta, Chhaohlei chô tawhna heta Ei pahleipadia khai aw ei; Zakaw pathla deikua cha, Tlokhuh ta parao khai aw va na,” Abeipa ta a tah.

AMÔSÂ 9:8 ပူးပေါင်းရင်းမြစ်များ

ÂTHAONA 6:7

Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

ÂTHAONA 7:4

Noh sari khai tawhta alei chô liata noh sypalih nata zâ sypalih chhôh avâ pasuasa aw na ta, chatanachata hmohrohneipa ei taopa zydua alei chô tawhta ei pahleipadia khai ha aw,” tah ta.

1 ABEIZY 13:34

Cha hmo cha Zerôbaw pathlazy châta moleina vaw châ ha ta, âmo a pamuatuhpa nata khizaw tawhta âmo a pahleipadiatuhpa a vaw châ haw.

BIESOZY 15:3

Abeipa mo cha su to liata y ta, Hmo chhiepa nata hmo phapa zy a sai thlâh ha tyh.

BIESOZY 5:21

Chyhsapa lâpizy cha Abeipa hmiakô liata y ta, A siena lâ maih Abeipa ta a moh tyh.

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 44:27

Phana châta châ leipa ta, chhiena châta ei mokhâh thlâh ha ei. Izi râh liata a ypa Zudâh chyhsa zydua cha, ama chhâ khaina taihta zaozi nata chakâhna ta pamuapa ama châ aw.

ZEREMIAH 46:28

Hy nâ chakaotuhpa Zakaw, chi khah y, Ei cha ypâ mâh tâh. Ei cha to papuana phopi zydua cha, Tlokhuh ei pachhâsa aw ei; Nâ deikua cha tlokhuh cha pachhâsa aw va na. Hrie leipa ta deikua y leipa aw chi ta, Dâh dopa ta ei cha chhorei aw,” Abeipa ta a tah.

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

HÔSIA 1:4

Abeipa ta Hôsia hnohta, “A moh ta Zezari bi teh, Zezari liata thisaih ama palona vâta Zehu chhôhkha cha thlai hrie aw ei na ta, Izarei râh liata abei ryureina cha ei pachhâsa ha awpa vâta.

HÔSIA 1:6

Cha khai tawhta Kôme cha saw phaoh heih ta, sawchanô sa ta, Abeipa ta Hôsia hnohta, “A moh ta Lôruhâmâ bi teh, Izarei chhôhkha hnohta ei kyhpachâna palâsa khao leipa aw na ta, ei ngiahthai beih khao lei awpa vâta.

ZÔELA 2:32

“Abeipa moh a padopa maih cha, Pachhapa ama châ aw; Abeipa ta a reipa hawhta, Zaio Tlâh nata Zerusale liata laibâhpazy y aw ei ta; Laibâhpazy hry liata, Abeipa ta a awpazy amâ hlao aw.”

AMÔSÂ 3:12

Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

AMÔSÂ 7:17

Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

AMÔSÂ 9:4

Ama chariahpazy hmia lâta sei ta sie hra ei sala, Cha liata zaozi biepie aw na ta, Âmo cha ei thie aw ei; Phana lâ châ leipa ta, Chhiena lâta ei mo ei tawpâ aw ei.”

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.