AMÔSÂ 9:6 - Mara Bible RV (BSI)

⁶ Avâzy liata a ochô chhôhpadâhzy tao ta, Alei liata a o tôh a bô; Tilaipi tizy aw ta, Alei chô liata a patlaituhpa a châ; Ano cha a moh Zehôvâh a châ.

AMÔSÂ 9:6 ပူးပေါင်းရင်းမြစ်များ

ÂTHAONA 2:1

Cha hawhna chata avâ nata alei nata a chhôh liata a ypa zydua cha patlô khaipa a châ.

HLAZY 104:13

Na pahrâna su sâhpa tawhta tlâhpizy ti bao chi ta, Alei cha na hriana thei ta lôhrâtlôpa ta a y.

HLAZY 104:3

Tizy chô liata na chhôhpadâhpa khâpiazy pakhâh chi ta, Meihdozy khi na talailih ta taopa ta, Thlih mathlawzy chô liata na kiah tyh.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.