AMÔSÂ 9:2 - Mara Bible RV (BSI)

² “Athihkhih taihta khaoh chao hra ei sala, Cha tawhtapa cha ei ku ta thaoh aw ei na ta; Avâ taihta kiah hra ei sala, Cha tawhtapa cha ei daophi pathlah aw ei.

AMÔSÂ 9:2 ပူးပေါင်းရင်းမြစ်များ

ZAWBÂ 20:6

A rônahna ta avâzy daipa ta, A luh ta meihdo tlô hra sala,

ZAWBÂ 22:13

‘Khazohpa cha khâpa ma a pahno tly? Zohna chatôhpa ta ryureih thei bao aw vei.

ZAWBÂ 24:23

Abohpa hawhta a pachâpa ta a pahâsa chypa chhao ei ta, Khazohpa mo ta ama lâpizy a tawpâ lymâ.

ZAWBÂ 26:6

A hmia liata la Athihkhih thluahruapa ta y ta, Chhokhih chhao sasaihpa ta a y.

ZAWBÂ 34:22

Hmoparaopazy a nyu nawpa ta, Zohna y leipa ta, Thina nohpahli chhao y vei.

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

EZEKIA 26:20

hlâno chyhsa khaohtlô lâ a zu hapazy hnohta cha pazusa aw na ta, alei ry liata ei cha pahrâsa aw. Khaohtlô lâ a zu hapazy hnohta, hlâno tawhta roryhrapa ta a y hapa khaohtlô liata ei cha pahrâsa aw. Chyhsa pahrâna châ khao aw va chi. Ahrohpazy râh liata deikua cha, ei chhithaina ei chareisa aw.

EZEKIA 31:14

Chavah kiah liata thozy â sâh ngaitapa ta laiseih khao leipa ei sala, vâ meihdo taihta ama kithlao chaluah khao hra leipa ei sala, ti ta pasapa tho kheihawhpa hmahta ano tlu ta amâ sâh khao lei nawpa ta, he zydua he taopa a châ. Âmo cha alei ry khaohtlô lâ a zu hapa chyhsa sawzy yna lâ sie awpa ta, thina lâta hlâ hapazy ama châ.

ÔBADIA 1:4

“Pahmôhpi hawhta â sâh pi ta a zawpa ta, Awhsizy hry liata na bu tu hra la, Cha tawhna chata ei châ daophi pathlah aw,” Abeipa ta a tah.

LUKA 10:18

Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.