AMÔSÂ 9:14 - Mara Bible RV (BSI)

¹⁴ Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

AMÔSÂ 9:14 ပူးပေါင်းရင်းမြစ်များ

HLAZY 107:37

Lyuzy liata chizy cheipa ta kre zôhzy loh ei ta, Kôvei phapazy ama hmô tyh.

HLAZY 53:6

Izarei pachhana cha, Zaio tawhta vaw pua sala ei tah kaw dia! Khazohpa ta a phopi vânoh a patosa heih tita, Zakaw cha a ly sala, Izarei cha thaphapa ta y mawh sy!

ISAI 60:4

Na chheipâh zydua mohmia pasaih la, moh tua, Na chyhsa zydua a hmaoh ei ta nâ lâ amâ vy. Na sawchapawzy lâhlapi tawhta a vy aw ei ta, Na sawchanôzy chhao vaw pi aw ei ta, Ama vaw tlô hra aw.

ISAI 61:4

Bohpi a ry hapa suzy paduapathi aw ei ta, Roryhrapa ta khâ a y tyhpa suzy ama paduapathi aw. Khihpi rypazy paduapathi aw ei ta, Chhâ hluhpi roryhrapa ta a ypazy ama paduapathi aw.

ISAI 65:21

Ozy sapa ta tlôh aw ei ta, Kre sadôzy tao aw ei ta, A theizy ama nie aw.

ZEREMIAH 12:15

Ei phia khai tawhta âmo cha ngiachhie heih aw ei na ta, chyhsa to ama ryuto chyu lâta nata ama râh chyu lâta ei chhi heih aw ei.

ZEREMIAH 16:15

Izarei sawzy cha âmo pathlatuhpazy hnohta ei piepa âmo râh lâ ei chhi pakhua heih awpa vâ ei ta, ‘Izarei sawzy Maw lâ râh tawhta nata âmo a chadai paina râh zydua tawhta a vaw chhi papuatuhpa Abeipa hrona reipa ta ei reih,’ ama tah tyh bâ aw.

ZEREMIAH 23:8

‘Maw lâ râh tawhta nata âmo a tona râh zydua tawhta Izarei pathla sawzy chhihtha ta a pakuasatuhpa Abeipa hrona reipa ta ei reih,’ tlao tah bâ aw ei ta, âmo râh lia tlai ta ama pahrâ aw,” Abeipa ta a tah.

ZEREMIAH 24:6

Ama pha nawpa ta ama chô liata ei mo tawpâ aw ei na ta, he râh lâ he ei vaw chhi pakhua heih aw ei. Âmo cha padua aw ei na ta, phie khao aw veih ei na; loh aw ei na ta, phia khao aw veih ei na.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 30:18

“Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

ZEREMIAH 31:28

“Chatawhcha hetana heta a vaw châ aw. Izarei sawzy nata Zudâh sawzy phiapa ta y ei ta, paraopa nata thypa ta ama ypa mokhâh na ta, pahleipadiapa nata pasasapa ta ama ypa ei mokhâhpa hawhna ei khata, âmo cha paduapathipa ta ama ypa nata lopa ta ama y awpa chhao ei mokhâh aw ei,” Abeipa ta a tah.

ZEREMIAH 31:5

Samâri tlâhpizy liata Kre sadôzy tao heih aw chi ta; A lohtuhpazy ta loh aw ei ta, A theizy ama nie aw.

ZEREMIAH 32:15

Pheisaihzy Abeipa, Izarei Khazohpa ta hetana heta a tah: He râh liana heta ozy, lyuzy nata kre sadôzy chaleina a y heih aw,’ tah na ta.

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 33:7

Zudâh nata Izarei cha vânoh patosa heih aw ei na ta, hmiatua ta ei paduapa hawhna ei khata ei padua heih aw ei.

EZEKIA 16:53

“Ama pano ta vânoh ei patosa heih aw ei. Sawdawmâ nata a sawchanôzy vânoh patosa heih aw ei na ta, Samâri nata a sawchanôzy vânoh ei patosa heih aw ei. Nâ chhao ama hry liata vânoh ei cha patosa heih hra aw.

EZEKIA 28:26

Cha liata â bohpa ta pahrâ aw ei ta, ozy sa aw ei ta, kre sadôzy ama tao aw. Âmo a mohnaotuhpa ama chheipâh râhzy ei pachia ti ei ta, âmo cha â bohpa ta ama y aw. Chatanachata Abeipa ama Khazohpa ei châ tahpa ama pahno aw.”

EZEKIA 37:21

ama hnohta hetana heta reih teh. Abeipa Zehôvâh ta hetana heta a tah: Pachâ teh u, Izarei sawzy cha ama siena râhzy tawhta lapa ta, su to tawhta pakhy aw ei na ta, âmo râh lâ ei chhi aw ei.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

ZEPHANIA 1:13

Ama hmozy hraopa châ aw ta, Ama ozy a rua aw. Ozy sa hra ei sala, Cha liata pahrâ aw veih ei; Kre sadôzy tao hra ei sala, A kresawhti doh aw veih ei,” Abeipa ta a tah.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.