AMÔSÂ 9:11 - Mara Bible RV (BSI)

¹¹ “Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

AMÔSÂ 9:11 ပူးပေါင်းရင်းမြစ်များ

ZAWBÂ 1:10

Ano nata a olyu nata a hneipa zydua diahpai chhôh khâh chi ta na pabohsa hapa vâta châ vei ma? A ku raihria liata byhnâ pie chi ta, he râh liana heta a hneinazy a pôh lymâ.

HLAZY 143:5

Hnôhlâ daihtizy a kaw theipa ta, Na hmotaopa zydua saipalie na ta, Na ku raihriazy ei rohpady tyh.

HLAZY 80:12

Khazia ma a diahpaizy na parao ha tly? A chapiapa maihta a theizy ama lyu bâ he zaw!

HLAZY 89:40

A diahsuazy papyu chi ta, A thokhyzy na pacho khai haw.

ISAI 16:5

Dâvi poh o liata kyhpachâna ta beidyuchhai paduapa châ aw ta, Cha liata ryureituhpa a tyuhpa cha, Adona ta ryu a reihpa châ aw ta, A chatliepa ta siana hmo a taopa a châ aw.”

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ISAI 58:12

Bohpi a ry hapa na khihpizy cha, Paduapathipa châ aw ta; Chhâ hluhpi ta ama bôpa lôbô a cho hapazy chhao, Na padua heih aw. Araopa a taopathituhpa cha tah aw ei ta, Pahrâna lâlaizy a paduapathituhpa ama cha tah aw.”

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ISAI 65:9

Zakaw tawhta chipathlazy papua aw na ta, Zudâh tawhta ei tlâhzy a to awpa ei papua aw. Ei tlyhpazy ta tlâhzy cha to aw ei ta, Nâ chakaotuhpazy ta cha liata ama pahrâ aw.

ZEREMIAH 18:9

Phopi kyh liata tlyma, khinarâh kyh liata tlyma, padua aw na ta ei loh aw, tahpa ta khati ta tlyma vaw reih ha hra aw sah la,

ZEREMIAH 30:9

Abeipa ama Khazohpa nata ama bei châta ei padua awpa Dâvi tlao ama chakao aw,” Pheisaihzy Abeipa ta a tah.

ZEREMIAH 46:26

Ama hrona la a chhuahpa, Babylaw bei Nebukaneza nata a beimachâzy ku liata ei hlâ aw ei.

CHAPHÔHTUNA 5:21

Hy Abeipa, paduapathipa ta eima y thei nawpa ta, Nâ lâ miah pakuasa heih la, Hlâno daihti hawhna khata eima nohzy pathieh heih mah y.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

EZEKIA 36:11

Nama chô liata chyhsapa nata sa zy papôhsa aw ei na ta, pôh aw ei ta, thei ama pathei aw. Hlâno hawhna khata nama chô liata chyhsa pahrâsa heih aw ei na ta, khahlâ ta nama duahmo hlâta pha via syulyupa ta ei cha tao aw ei. Chatanachata kei he Abeipa ei châ tahpa nama pahno aw.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

ÔBADIA 1:17

“Zaio tlâh liata deikua cha, Pachhapazy ta pahrâ aw ei ta, Su pathaihpa a châ aw; Zakaw pathlazy cha, Ama ryuto râh ama hnei aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MIKÂ 7:11

Na thokhyzy chhôh nawpa noh a vaw tlô hai! Cha noh liata na râhri pakawhpa a châ aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

ZEKARIA 12:7

“Dâvi pathlazy nata Zerusale liata a pahrâpazy rônahna cha Zudâh rônahna hlâta a rônah via lei nawpa ta, Abeipa ta Zudâh poh o liata a pahrâpazy hnohta pahniena a pie tua aw ei.

ZEKARIA 14:10

Râh zydua cha Kebâ tawhta Zerusale chho lâta a ypa Rimô taihta paby khaipa a châ aw. Zerusale deikua cha, Benzami Chhikao tawhta chhikao hmiatuapa Achaki Chhikao taihta nata Hânane Osâhpa tawhta bei kresawhti saohna taihta, a y tyhna su liata pasâhpa a châ aw.

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

MALUHREINA 24:18

Edômâ cha pahniepa châ aw ta, A chariahpazy ta Seirâ ama tiah aw; Izarei deikua a chhyu rili aw.