AMÔSÂ 8:9 - Mara Bible RV (BSI)

⁹ “Cha noh liata cha, Nohchhô ta noh patlasa aw na ta, Noh y liah ta alei ei pazohsa aw.

AMÔSÂ 8:9 ပူးပေါင်းရင်းမြစ်များ

ZAWBÂ 5:14

Nohchhô ta zohna a tyh ei ta, Nohchhô locho ta zâ hawhta ama pathâ.

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 15:9

Saw pasari a satuhpa cha panao ta, A thlahpa a pathlie haw; Nohchhô ta a noh tla ha ta, Nozapa nata nohzaopa ta a y. Laibâhpazy cha zaozi ta thi awpa ta, Ama chariahpazy ku liata ei pie aw ei, Abeipa ta a tah.”

EZEKIA 32:7

Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

MIKÂ 3:6

Chavâta zâ cha vaw chhi thlu aw ei ta, Aluahna hmô khao aw veih ei chi; Zohna ta cha vaw khu aw ei ta, Pachaona tao thei khao aw veih ei chi. Hrohsopazy chô liata noh tla aw ta, Nohchhô chhao ama chô liata zohna a châ aw.

ZEKARIA 14:7

Abeipa deita ta a pahnopa noh nano kawpa y aw ta, chhô y leipa aw ta, zâ chhao y aw vei. Zâlâ daihti liata deikua cha khaihpa a vaw y aw.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MATHAI 27:45

Nohchhô dawh hrawh hleino tawhta zâlâ dawh thôh taih alei chô zydua vaw zoh kaluh ha ta.

MÂKA 15:33

Dawh hrawh hleino a vaw paro nahta, cha daihti tawhta zâlâ dawh thôhpa taihta, alei chô zydua vaw zoh kaluh ha ta.

LUKA 23:44

Nohchhô dawh hrawh hleino rachhôh tawhta zâlâ dawh thôh taih, alei chô zydua vaw zoh kaluh ha ta.

BIEPHUAH 6:12

Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.