AMÔSÂ 8:8 - Mara Bible RV (BSI)

⁸ He vâna heta râh a chalyu aw ta, A chhôh liata a pahrâpa zydua mâchhiesapa ta ama y aw. Râh pôhpalôhpa cha, Nile Chavah hawhta a kaw sâhpa ta, Izi Chavah hawhta pathluahpa châ aw ta, Pasysa heihpa a châ aw,” tah ta.

AMÔSÂ 8:8 ပူးပေါင်းရင်းမြစ်များ

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 12:4

Râh he khachâ ma mâchhiesa aw ta, Khachâ ma râh to liata sibiepazy ama uah aw tly? A chhôh liata a pahrâpazy ta Hmo pha leipa tao ei ta, “Khazohpa ta eima chhâna hmô aw vei,” Ama tahpa vâta, Râhsazy nata pavawzy ama thi khai ha hih.

ZEREMIAH 46:7

“Nile chavah hawhta lai ta, Chavah ti laipa hawhta â chatlaopa cha, Ahy ma a châ tly?

ZEREMIAH 46:8

Nile chavah hawhta a laipa cha Izi châ ta, Chavah ti laipa hawhta â chatlaopa cha ano a châ. Izi ta, ‘Lai aw na ta, Alei ei vao aw; Khihpizy nata ama khihsawzy Ei pahleipadia aw ei,’ a tah.

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

HÔSIA 10:5

Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.

HÔSIA 4:3

Chavâta râh cha mâchhiesa ta, A chhôh liata a pahrâpa to ama leidia; Râh sazy nata avâ pavawzy siekheipa châ ei ta, Tilaipi ngazy taihta ama siekhei.

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

AMÔSÂ 9:5

Pheisaihzy Abeipa Zehôvâh cha, Alei hria ta a patisa theipa châ ta, Cha liata a pahrâpa zydua mâchhie ama sa; Nile chavah hawhta alei pôhpalôhpa pasâh thei ta, Izi Nile hawhta a pasysa heih theipa a châ.

NÂHU 1:8

Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.