AMÔSÂ 8:7 - Mara Bible RV (BSI)

⁷ Abeipa ta Zakaw rônahna reipa ta, Hetana heta bie â taih haw: “Ama hmotaopa maih my beih aw va na.

AMÔSÂ 8:7 ပူးပေါင်းရင်းမြစ်များ

ZAWBÂ 24:23

Abohpa hawhta a pachâpa ta a pahâsa chypa chhao ei ta, Khazohpa mo ta ama lâpizy a tawpâ lymâ.

HLAZY 10:11

A palôh liata, “Khazohpa my ha ta, A hmia nyukhâh ha ta, Khati hmahta hmô aw vei,” a tah tyh.

HLAZY 47:4

Eima ryuto râh miah a tlyhpa ta, A kyhpachâpa Zakaw myuh miah a pie. Selah

HLAZY 47:5

Khazohpa cha rahaona chhaota chô lâ kiah ta, Abeipa cha chiahmie pyu chhaota a kiah haw.

HLAZY 68:34

Khazohpa cha hmotaotheina patosa teh u; A rônahna Izarei chô liata y ta, A thatlôna avâ liata a ypa a châ.

PUASAINA 17:16

Mawsi ta, “Amale cha Abeipa beidyuchhai chô liata a ku a hypa vâta, chhâ a vaw y lymâ awpa zydua liata Abeipa ta â dyuh lymâ aw,” tah ta.

ISAI 22:14

Pheisaihzy Abeipa ta ei nakhaoh liata a vaw phualuah ta, “Nama thi hlâlei cha, He moleina he chatlaipa châ aw vei,” Pheisaihzy Abeipa Zehôvâh ta a tah.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ZEREMIAH 17:1

“Zudâh moleina cha thua châsôh ta ropa châ ta, lônah hmao pazaopa hmâpa ta, ama pathipalôh lôphiapa nata ama maisâh kizy liata khiepa a châ.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 44:21

“Nâmo nata châ pathlatuhpazy, nama beizy nata nama beimachâzy nata râhsawzy ta Zudâh khihpizy nata Zerusale khiliahzy liata ropahâhpa nama raopazy kha, Abeipa ta a thei thlâh ha ta, a palôh liata ngia thlâh ha vei ma?

HÔSIA 7:2

Ama moleina zydua ei pahno khaizie Ama palôh liata pachâ veih ei. Ama hmotaopazy ta âmo cha chadô ta, Ei hmia liata amâ lâ khai.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

AMÔSÂ 4:2

Abeipa Zehôvâh ta A pathaihna moh reipa ta bie â taih ha ta, Moh teh u, nohzy a cha vaw tlô thlu hai ei; Thua akopazy ta ama châ chhi nawpa noh vaw tlô hai ta, Nama sawzy taihta keipa ta amâ chhi nawpa noh a vaw tlô hai.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.